“Faamanatuga i le Sahara,” Uo, Fepuari 2026, 20–21.

Faamanatuga i le Sahara

Saunia e Elder Christophe G. Giraud-Carrier o le Fitugafulu ma lona faletua, o Sister Isabelle Giraud-Carrier

Atatusi o se teineitiiti o loo tootuli i tafatafa o se laulau ma se ipu vai ma se ipu ua i ai ni fasi falaoa laiti

A o teineitiiti Isabelle, sa faigaluega lona tama i le militeli a Farani. Sa fesiitai solo lo latou aiga. Ina ua valu ona tausaga, sa latou siitia atu i le Toafa o Sahara. Sa leai nisi tagata o le Ekalesia na lata ane, o lea na latou maua ai le faatagaga e fai ai le faamanatuga i lo latou fale.

O Aso Sa uma lava, e faapotopoto ai Isabellema lona aiga i le potu malolo ma usu ni viiga sa latou taulotoina. Sa faamanuia e lona tama le falaoa ma le vai mo le faamanatuga. Ona feauauai lea o ona matua ma ona tei i le tuuina atu o lauga.

O lenei mea na faaalia ai ia Isabelle le taua o le ola ai i le talalelei. Talu ai sa latou nonofo mamao ese mai isi tagata o le Ekalesia, e leai se tasi e iloaina pe afai e le toe faia a latou lotu i le fale i le Aso Sa. Ae sa latou filifili e fai le mea sa’o.

E lua tausaga mulimuli ane, sa latou toe siitia atu ai i Farani, lea sa toatele ai tagata o le Ekalesia. Sa mafai ai ona papatiso ia Isabelle. O le vaaia o ona matua o ola i le talalelei i le Toafa o Sahara na fesoasoani e amata ai ona tuputupu ae lana molimau. Na tuuina atu ai lona faatuatua i le Atua e fai ai le mea sa’o, e tusa lava pe leai se tasi o matamata mai.

Matou te folafola atu e tusa lava po o fea e te nofo ai i le lalolagi, e silafia lava oe e le Tama Faalelagi! E alofa o Ia ia te oe ma e finagalo e fesoasoani ia te oe ia avea atili e faapei o Ia.

Lagonaina o le Laitiiti i se Toafa Tele

O le Toafa o Sahara o le toafa aupito tele ma vevela lea i le lalolagi! E mafai ona faigofie ona lagona le laitiiti i se nofoaga tele. Ae e le faagaloina lava i tatou e le Atua ma e mafai ona faatasi pea ma i tatou. E mafai ona e mauaina vaaiga i luga i le ata?