Mea Malie o Mau Faalevaiaso

26 Ianuari–1 Fepuari

Kenese 5; Mose 6

Faasoa Atu o Lau Molimau

Pese: “Ou Te Faatuatua i le Alii o Iesu Keriso” (Viiga—Mo Aiga ma le Ekalesia, 1024)

Gaoioiga: Sa fesoasoani le Alii ia Enoka e aoao atu le talalelei. Aoao atu le talalelei e pei o Enoka e ala i le faasoa atu o lau molimau! Fai se tatalo ia maua ai le fesoasoani mai le Tama Faalelagi. Tusitusi pe tusi se ata o se mea e te talitonu i ai. Ona faasoa atu lea o lau molimau i se tasi e te alofa i ai.

2–8 Fepuari

Mose 7

Tasi le Loto ma Tasi le Mafaufau

Pese: “Ia Fealofani” (Tusipese a Tamaiti, 74)

Mau: Mose 7:18

Gaoioiga: O le nuu o Enoka sa “tasi o latou loto ma tasi le mafaufau” (Mose 7:18). O lona uiga sa latou auauna uma i le tasi ma le isi ma galulue faatasi. Faataitai le galulue faatasi e ala i le faia o se tuuga vae-tolu! Faatasi ai ma se paga, faaaoga se sikafu e nonoa ai se tasi o ou vae i se tasi o o latou vae. O le a le vave e mafai ona outou minoi faatasi ai?

9–15 Fepuari

Kenese 6–11; Mose 8

Mulimuli i le Perofeta

Pese: “Come, Hear the Word the Lord Has Spoken,” Hymns—For Home and Church, 1031)

Mau: Kenese 6:14–22

Gaoioiga: Faaaoga faatonuga o le orikami e fai ai se vaa pepa. Ona sue lea i le itulau e 49 e oti ese ai Noa ma ana manu e o i totonu! A o e faia lau vaa, talanoa e uiga i auala e mafai ona e mulimuli ai i le Tama Faalelagi ma tuputupu ae ai lou faatuatua.

Vaa Orikami a Noa

Gagau faaafa se pepa faatafafa le tutusa i le faalava.
Liliu le pepa ina ia pito i luga le gagau.
Gagau mai i lalo ma agai i totonu tulimanu pito i luga ina ia faia ni tafatolu i le ogatotonu.
Gagau agai i luga se tasi o fasipepa pito i lalo o le faatafafa le tutusa.
Liliu i le isi itu ma gagau i lalo tafatolu laiti.
Gagau i luga le isi fasipepa faatafafa.
Toso i autafa itu o loo matala seia oo ina maua e le pepa se sikuea.
Gagau i luga le pito i lalo e fetaui ai ma le pito i luga.
Toe liliu ma fai le mea lava lea e tasi i le isi itu e maua ai se tafatolu.
Toso le pito i lalo o tafatolu e maua ai se sikuea.
Toso itu i fafo ma faamafolafola i lalo.
Oomi teisi i totonu tulimanu e faauma ai lau vaa!

16–22 Fepuari

Kenese 12–17; Aperaamo 1–2

E Faafofoga le Atua i A’u Tatalo

Pese: “Close as a Quiet Prayer,” (Hymns—For Home and Church, 1030)

Mau: Aperaamo 1:15–16

Gaoioiga: E Faafofoga le Atua i A’u Tatalo Fai se fu’a o le tatalo. I luga o ni fasipepa laiti, tusitusi ai pe tusi ni ata o ni mea e te manao e tatalo ai pe talanoa ai i le Tama Faalelagi. Ona faapupu lea ma tautau i luga o se manoa. Faaaoga le fu’a lenei e avatu ai ia te oe ni manatu i mea e tatalo atu ai. Fesili atu i se matua po o se taitai o le Peraimeri e uiga i se taimi na faalogo ai le Atua i a latou tatalo.