Te Kakai i matan te Mataroa

E tenaa kabanean kanana te burakibaan Gracie,e katikui bwainamwarake inanon te tingke, ao e anaa ana baeki.

“E a boo tain te tataro n utu,” e taku Tamau.

A bane ni katorobubua inanon te ruutangaina. Mwaanen Gracie ae bon bwebweena, George, e anga te tataro. “Taiaoka buokiira bwa e aonga n nakoraoi kanoan ara bong n te reirei,” e taku. “Ao taiaoka kakabwaia Tinara bwa e na MARURUNG. Taiaoka kakabwaiaia taokita bwa a na ataa te bwai ae a na kona iai ni buokia.”

Iai rootakin ana kaburoro tinan Gracie. E bon kainnanoa te korokoro. Aia kaantaninga taokita bwa a na bon NAKORAOI bwaai ni kabane, ma kanga a tuai n ataia raoi.

I mwiin te tataro, E inga tinara nakoira ni kabane. N na manga nako riki ni kawara te taokita n te bong aei. Te kaantaninga ti na kona riki ni karekei taian kaeka.”

Tera ngkana arona bwa e a mate Tinara ao I aki kona ni manga taetae nakoina? E raraoma Gracie. E bon rangi ni maaku. Kanga ai akea iangoana ae nang aki kona ni manga rabwata Tinana ke n nooria imwiin te reirei.

N te bong anne, e nako Gracie ni kaea ana kiraati,, te motirawa teuana, ao te katawanou n aron ae taneiai inanona. Ma e bon teimatoa n iangoa Tinana. Ngke e namakina te maaku, e iangoa taekan kunan te Moanrinan ae mamate nanona iai. A kona utu n ikotaki n akea tokina rinanon ana babaire Tamara are i Karawa, e aneneia n ana iango.

Ngke a okira mweengaia man te reirei, a biri n rinnako Gracie ao George ao n rabwata Tinaia ao ni koonna. E uara nakom ni kaea am boraraoi?” E titiraki Gracie.

“E nako raoi,” e taku Tinana. “Ti tuai raoi ataia. Iai riki au tabeua au boraraoi nakon te wiiki ae e na roko imwaain te korokoro.”

E rangi ni kukurei Gracie ngke e noora tinana. Ma e bon teimatoa n raraoma.

Tabeua te bong imwiina, e a tang beeron te mataroa. Ngke e a kauka te mataroa Tinau, e ongoo te anene Gracie.

E tei ma Tinana i matan te mataroa ao n taraia koraki n utu aika raoraoia man te aro ao n te reirei. A anenea kunan te Moanrinan. “Ti tabe n iangoiko ao ti tangiria ni uota te raunnano nakoim,” e taetae temanna mai buakoia. Ao imwiina a manga anene riki.

E nako naba nakon te mataroa George. E taraa Gracie. “Ti a anene mangaiia!”

A anai aia kooti Gracie ao George ao ni biri nako tinaniku n raoniia ake tabeman. A anene n takarua n aron are a konaa:

E noora Tinana Gracie ni kaoi ranin matana. Tarina ae uarereke, ae Rosie, e koona rangan Tianan ao e ongora naba.

Iai te namakin ae rau ae rootaki iai Gracie. Ma e bon teimatoa n raraoma ibukin Tinana. Ma e ataia bwa Iesu e bon tangiriia. Bon ngaia Atuan te kakai. Ao irarikin anne, e ataia Gracie ae a na NAKORAOI bwaai ni kabane.

Kamataata n te tamnei iroun Bethany Stancliffe