Atam ao Ewa

Atam ao Ewa bon moan natin Tamara are i Karawa ni maeka iaon te aba. A maeka n te O-n-Aroka are i Eten.

Te Atua e kariaia bwa a na kang uaan aroka n aekaia nako ma ti teuana ae a na aki kanna. Ngkana a amwarake man te kai ni kamaiu n ata ae raoiroi ao ae buakaka, a na riai ni kitana te onaroka ao a na bon mate. Ma a kekeweaki iroun Tatan. E taku bwa ngkana a kana uaan te kai, a na ata ae raoiroi ao ae buakaka ma a na aki mate.

Ewa e rineia bwa e na kana uaan te kai.

Ngkanne e angan Atam te uanikai. E rineia naba bwa e na kanna.

Te Atua ao Iesu Kristo a kawariia, ma Atam ao Ewa a maaku ao a karabaia. E titiraki te Atua ngkana a tia ni kana uaan te kai.

A taku Atam ma Ewa bwa a tia ni kana uaan te kai. Ngkai a riai ni kiitana te Onaroka are i Eten. Ma iai ana babaire te Atua ibukiia. Ngkai a ata ae eti man ae kairua ao a kona ni kariki.

Atam ao Ewa a berita bwa a na ongotaeka nakon ana tua ni kabane te Atua. A reiakina ae mwaiti riki ibukin natin te Atua Iesu Kristo. A rang kukurei ibukina bwa E na buokiia aia utu n oki nakon te Atua.