Thomas te Te Tia Ikoikoiti

Arau bon Thomas, ao Ngai bon te tia ikoikotiia au utu.

N te ririki aei n te Moanrinan ti reiakinaki aron te ikoikotaki. E tuangiira ara tia kairiiri bwa ti na ikotiia ara utu n tataro ao kamatebwai ni booki aika tabu. A tangiriia bwa ti na kataneiaira ma aron te ikoikotaki bwa ti aonga n ataia bwa ti na kanga n ikotaki ngkai ao ngkana ti a ikawairake—n te mition, n te reirei, ke ngkana ti bon tiku n tii ngaira. Te anga anne ti na kona n ikoikotiira n te maiu n tamnei ma Tamara are i Karaw ao Iesu Kristo ao ni kunea te rau Irouia.

Au mwakuri bon te ikoikotiia au utu ibukin te tataro n te moaningabong. I titiraki, “Taiaoka iai ae kan raonai n tataro?” Tariu ae Henry e ikotiira ibukin te tataro n te tairiki ao te kamatebwai ni booki aika tabu.

N ingabongin te Kaonobong teuana, ti moantaai n nako n takakaro n te bwatiketibooro. Imwiina, ti karaoi tabera. I waekoa n uringnga ao n taku, “Tinau, ti mwaninga ni ikotaki n tataro.” E tuangiira bwa ti kona n ikotaki ngkana ti a okira te auti. Ma I taku, “Ti riai n ikotaki ao n tataro ngkai naba!” E tuangai bwa N na anga te tataro, ma a bon taratara matana ibukina ngkai e kabuta te kaa.

E tuangaki Henry ao ngai iroun Tinara ma Tamara bwa a rangi ni kakaitau ngkai ti kona n ikotiia ara utu n tataro ao ni kamatebwai ni booki aika tabu. A taku bwa bwanaara aika a bebete a karika te bitaki ae korakora inanon mweengara. A tuangiira bwa ibukina ngkai ti ikoikotaki, a kakabwaiaaki ara utu.

Kamataata n te tamnei iroun Augusto Zambonato