“E a Kaan Koro Waniua au Ririki”

Ngke e a nang koro onoua ana ririki natiu te aine, ti kataa ara kabanea ni konaa n tutuangnga bwa e na mamataku n aia bwabetito tabeman ataei. Imwiin taian bwabetito nako, ti marooro mangaia bwa tera te bwai ae e na riki. Ti buokiia ni kamataata bwa ngkana e a ikawai ao n tau nakon te bwabetito, e a kona n ataa te kaokoro n te bwai ae eeti man te kairua. Imwiin te bwabetito n tatabeua nako, e na bae ni kangai, “E nang koro waniua au ririki, ao N na bon bwabetitoaki naba.”

N tokin te tai ao e a koro waniua ana ririki natiu te aine. E bwabetitoaki ao ni kamatoaaki. E karekea ana bwaintituaraoi te Tamnei ae Raoiroi n te tai aei. Ti tuangnga bwa teuana te kabanea ni kawai ni kateimatoa te Tamnei ae Raoiroi bwa e na raonna n taainako e na riai n ana te toa.

Ngkana ko anaa te toa, ko berita naba bwa ko na ururinga Iesu Kristo n taainako. E na buokiko te Tamnei ae Raoiroi ni karaoi bwaai ake e reiakiniko Iesu ao ni kauringko te bwai are ko reiakinna Ibukina n te mweenga ao n te Moanrinan. E taetae te Tamnei ae Raoiroi n te bwanaa ae rau, man bebete ao e na buokiko n ataa te bwai ae eeti ao ae kairua.

E a rangi n tatangira te toa natiu te aine n te tai aei! Ao ko kona naba ngkoe. Ngkana ko anaa te toa ni katoa wiiki ao n ururinga Iesu Kristo, ko na namakina riki te Tamnei ae Raoiroi, ao E na teimatoa ni kairiiriko. Ko na kona n ururinga Iesu Kristo n taainako.

Kawain Berita aika Tabu

Karani tamnei n tatabeua nako n iriiri ngkai e tabe ni kakatauraoia natin Unimwaane Ojediran te aine ni karaoi ao ni kawakin ana berita aika tabu n te bwabetito.

Kamataata n te tamnei iroun Samantha Windley