Ngaahi ʻEkitivitī ʻo e Haʻu, ʻo Muimui ʻIate Aú

ʻI he taimi pē ʻoku langa ai ha temipale, ʻoku fai ha lotu makehe ke fakatapui, pe vaheʻi, ʻa e temipalé ki he ʻOtuá (hangē ko ia ʻi he Tokāteline mo e Ngaahi Fuakava 109). Te ke lava ʻo ako lahi ange fekauʻaki mo e ngaahi temipalé ʻaki haʻo tānaki ʻa e ngaahi kaati temipalé ʻi he peesi 12. Faʻu haʻo kaati temipale pē ʻaʻau fekauʻaki mo e temipale ofi taha kiate koé! Pe ʻalu ki he peesi 13 ke faʻu ha ʻaati temipale ʻaki ha fanga kiʻi laʻipepa kuo haehae.

ʻOku fanongo mai maʻu pē ʻa e Tamai Hēvaní ki heʻetau ngaahi lotú (vakai, Tokāteline mo e Ngaahi Fuakava 112:10–11). Ke tokoniʻi koe ke ke teuteu ke lotú, feinga ke hiki hifo pe tā fakatātaaʻi ʻa e meʻa ʻokú ke fie lotuá. Te ke lava ʻo fakakau ha meʻa ʻokú ke houngaʻia ai, ha taha ʻokú ne fiemaʻu tokoni, mo ha meʻa ʻokú ke fiemaʻu tokoni ai.

Naʻe fakahingoa ʻe Sīsū Kalaisi ʻa Hono Siasi kuo fakafoki maí ko e “Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní” (vakai, Tokāteline mo e Ngaahi Fuakava 115:3–6). Hiki ʻa e foʻi lea takitaha ʻo e hingoa ko ʻení ʻi ha konga laʻipepa. Veteki ʻa e ʻū laʻipepá. Pea feinga leva ke fokotuʻutuʻu ke hokohoko totonu ʻa e hingoa ʻo e Siasí. Vakai pe ko e hā ʻa e vave hoʻo fakahoko iá!

ʻI he taimi ʻokú ke feinga ai ke muimui ʻia Sīsū Kalaisí, ʻe lava ʻe he fanga kiʻi meʻa īkí ʻo fakahoko ha liliu lahi! (Vakai, Tokāteline mo e Ngaahi Fuakava 123:15–17.) Muimui ki he ngaahi fakahinohino ʻi he peesi 34 ke pelupelu ha vakapuna laʻipepa. Ngaohi leva ha vakapuna laʻipepa ʻe taha kae hiki fakalaka mei ha taha ʻo e ngaahi fakahinohinó. Ko e vakapuna fē ʻoku lelei ange ʻene puná? Ko e hā ʻoku mahuʻinga ai ʻa e foʻi pelu takitaha?