Ko ʻEku Ngaahi Lea ʻi he Ongoongoleleí

ʻOku ʻuhinga ʻa e māʻoniʻoní ki he moʻui māʻoniʻoni pe toputapu. ʻOku tau feinga ki he māʻoniʻoní ʻaki ʻetau muimui ki he ngaahi fekaú mo tauhi e ngaahi fuakava (pe ngaahi palōmesi) ʻoku tau fai mo e ʻOtuá. Ko e ngaahi lea “Māʻoniʻoni ki he ʻEikí—ko e Fale ʻo e ʻEikí” ʻoku ʻi he hūʻanga ʻo e temipale kotoa pē.

ʻOku ʻuhinga ʻa e foʻi lea silá ki hono fakatahaʻi ʻo ha tangata mo ha fefine pea mo ʻena fānaú ki he taʻengatá. ʻOku ʻuhinga ʻeni te nau lava ʻo fakataha ʻo taʻengata ʻi he langí ʻi ha ʻaho. Ko e silá ko ha ouau ia ʻoku fakahoko ʻi he temipalé.

Kuo tokolahi ha kakai kuo pekia teʻeki ke nau ako fekauʻaki mo Sīsū Kalaisi mo papitaiso ʻi Hono Siasí. ʻI he taimi ʻoku tau fakahoko ai ʻa e papitaiso maʻá e pekiá ʻi he temipalé, ʻoku tau teunga hina ʻo hangē ko e taimi naʻa tau papitaiso aí. Ka ʻoku ʻikai ke tau papitaiso maʻatautolu pē, ka ʻoku papitaiso fakafofonga kitautolu maʻa ha taha kuo pekia. ʻE lea ʻaki ʻa e hingoa ʻo e tokotaha ko iá ʻi he lotu papitaisó, pea te nau maʻu ʻa e faingamālie ke tali ʻa e tāpuaki ʻo e papitaisó.

Ko hotau tuʻunga totonú ʻa hotau tuʻunga moʻoní. Ko e fānau fakalaumālie ʻofeina kotoa kitautolu ʻo ʻetau ongomātuʻa fakalangí. ʻI heʻetau muimui ki he palani ʻa e ʻOtuá, te tau lava ai ʻo ako, tupulaki, pea hoko ʻo hangē ko hotau Fakamoʻui, ko Sīsū Kalaisí.

Fakaava ʻa e PDF

ʻŪ tā fakatātā ʻa Madison Baker