“Ko e Muimui kia Sīsū ʻi Finilaní,” Ko e Kaumeʻá, ʻOkatopa 2025, 10–11.
Ko e Muimui kia Sīsū ʻi Finilaní
Feʻiloaki mo Vilisami mo ʻEino
ʻOku muimui ʻa Vilisami kia Sīsū Kalaisi ʻaki ʻene lotu mo ʻalu ki he kelekele ʻo e temipalé. ʻOku muimui ʻa ʻEino ʻiate Ia ʻaki ʻene angaʻofa ki hono taʻoketé mo e tuofefiné. ʻOku pehē ʻe ʻEino, “ʻI he taimi ʻoku ou muimui ai kia Sīsuú, ʻoku ou ongoʻi lelei.”
ʻOku muimui foki ʻa Vilisami mo ʻEino kia Sīsū ʻaki ʻena ʻalu ki he lotú mo ʻena ongomātuʻá. Ke aʻu ki he lotú, ʻoku nau lue mo heka pasi. ʻE lava ke fuʻu momoko ʻaupito ʻa Finilani, ko ia ʻoku nau teuteu māfana ange ʻi he taimi ʻoku nau ō ai ki he lotú ʻi he faʻahitaʻu momokó!
Fekauʻaki mo e Vilisami mo ʻEino
Taʻu Motuʻá: ʻOku taʻu 7 ʻa Vilisami pea ʻoku taʻu 5 ʻa ʻEino
Mei: Pēkanimā, Finilani
Lea Fakafonuá: Faka-Finilani
Ngaahi Taumuʻá: ʻOku fie ako ʻa Vilisami ke fakaʻaongaʻi ʻa e ngaahi mīsini fakaʻuhilá. ʻOku fie kakau ʻa ʻEino ʻi he faʻahitaʻu māfaná mo ako ʻa e pākoá (parkour).
Ngaahi Meʻa ʻOku Manako Aí: ʻOku saiʻia ʻa Vilisami ʻi he vaʻinga soká, pea ʻoku saiʻia ʻa ʻEino ʻi he petiminitoní mo e kakaú.
Fāmilí: Vilisami, ʻEino, Mami, Teti, tuofefine
Ngaahi Meʻa ʻOku Saiʻia Taha ai ʻa Vilisami mo ʻEinó
Talanoa Mei he Folofolá: ʻOku saiʻia ʻa Vilisami ʻi he taimi naʻe papitaiso ai ʻa Sīsū Kalaisí, pea ʻoku saiʻia ʻa ʻEino ʻi he taimi naʻe ʻaloʻi ai Iá.
Tukufakaholo Fakafāmilí: ʻOku saiʻia ʻa ʻEino ʻi he taimi ʻoku ngaohi ai ʻe hono fāmilí ʻa e tōtiá ʻi he Sāpaté.
Meʻakai mei Finilani: ʻOku saiʻia ʻa Vilisami ʻi he iká mo e karjalanpaisti (supo kakanoʻi manu tukufakaholó).
Fuaʻiʻakaú mo e Vesitapoló: ʻOku saiʻia ʻa Vilisami ʻi he moli menitaliní mo e kiukamipaá, pea saiʻia ʻa ʻEino ʻi he situloapeulí, lasipelí, mo e kiukamipaá.
Ngaahi Lanú: ʻOku saiʻia ʻa Vilisami ʻi he ngaahi lanú kotoa tuku kehe pē ʻa e lanu melomeló, pea ʻoku saiʻia ʻa ʻEino ʻi he ʻumatá.
Hiva Palaimelí: ʻOku saiʻia ʻa ʻEino ʻi he “ʻEku Tamaí” (Tohi Hiva ʻa e Fānaú, 111).