Mālō e Lelei mei Finilani!

Ko Finilaní ko ha fonua ia ʻi he Fakatokelau ʻo ʻIulopé. ʻOku nofo ai ha kakai ʻe toko 5.5 miliona tupu! Ko e ongo lea fakafonua fakaʻofisialé ko e lea faka-Finilani mo e faka-Suēteni.

Ngaahi Maama Lanu Kehekehé

ʻI he fakatokelau ʻo Finilaní, te ke lava ʻo mamata ki ha ngaahi maama fakaʻofoʻofa ʻi he langí ʻoku ui ko e ʻaulola polialisí (aurora borealis), pe ko e ngaahi maama fakatokelaú.

Soka Kelé

Naʻe kamata ʻa e soka kelé ʻi Finilani pea ko ha sipoti manakoa ia ai. ʻOku fai ʻa e vaʻingá ʻi ha kele pelepela, ʻa ia ko e pelepelá ko e konga ia ʻo e fiefiá!

Misiume Fakamanatú

ʻOku ʻi ai ha ʻū palasi fakaʻofoʻofa ʻi Finilani. ʻOku taʻu 700 tupu ʻa e Palasi Tokú. ʻI he ʻaho ní ko ha misiume ia ʻoku ʻaʻahi ki ai ha kakai tokolahi.

Fonua ʻo ha Anovai ʻe Lauafé

ʻOku meimei ke ʻi ai ha anovai ʻe 188,000 ʻi he vahefonua Anovai ʻo Finilaní. Ko e Anovai Saimaá ko e anovai lahi taha ia ʻi Finilaní.

Ngaahi Meʻa-Moʻui Fakaʻofoʻofa ʻi he Vaó

Ko e tia, fanga pea, ulofi, mo e sila ko ha niʻihi pē ia ʻo e fanga monumanu ʻoku nofo ʻi Finilaní.

Peesi PDF ʻo e mape ʻo Finilaní, meʻa-moʻui ʻi he vaó, sipoti, mo e ngaahi fale fakahisitōlia