Fausiaina o Navu

O uluai Au Paia sa nonofo i faleie i auvai o le Vaitafe o Misisipi

Na ta’u atu e le Alii i le Au Paia e faapotopoto i se nofoaga fou. Sa latalata i se vaitafe tele, lea sa susu ma palapalā ai le fanua. E le’i foliga mai o se nofoaga lelei e fausia ai se taulaga. Ae sa silafia e le Perofeta o Iosefa Samita e faapea, faatasi ai ma le fesoasoani a le Alii, e mafai ona latou faia ia matagofie.

O se tamaloa o loo tauaveina ni fafie i lona tauau, o se solofanua ma se taavale solofanua ma ni sapalai faufale, ma ni fale ogalaau

O Iosefa Samita ma isi alii o loo faataatitia piliki a o latou fausiaina se fale

Sa galulue malosi le Au Paia ina ia avea o se nofoaga lelei e nonofo ai. Sa faaigoaina e Iosefa le aai o Navu, o lona uiga “o se nofoaga matagofie.”

O loo faasino atu e Iosefa Samita i se nofoaga i luga o se mauga mo se malumalu

Na finagalo le Alii i Lana Au Paia e fausia se malumalu i Navu. Na vave ona amata ona galulue tagata.

O Iosefa Samita o loo aoao atu isi Au Paia i se fale

Sa i ai i le Alii faamanuiaga maoa’e e tuuina atu i Lona nuu. I totonu o le malumalu, o le a latou osia ai feagaiga, po o folafolaga faapitoa, ma le Alii. O le a latou aoao ai foi e uiga i le fuafuaga o le fiafia a le Tama Faalelagi mo Ana fanau uma.

Sa galulue malosi le Au Paia i le fausiaina o le malumalu. Sa umi se taimi, ae sa latou fiafia e aoao e uiga i folafolaga faapitoa na tuuina atu e le Alii mo i latou i Lona malumalu.