O La’u Molimau i Musika

I lo’u atunuu, o le to’atele o tagata e Katoliko. Ou te aoga i se aoga Katoliko.

A o ou i ai i le vasega lua, sa taina e lo’u faiaoga musika a o matou galulue i a matou gaoioiga mo le aso. I se tasi aoauli, sa ia fesili atu ai pe i ai se tasi e manao e filifili se pese e faalogologo i ai. Sa atoa lo’u valu tausaga i lena tausaga ma sa ou sauniuni mo lo’u papatisoga. Na oo mai i lo’u mafaufau upu “Ou te fia saili mo ni nuanua”. Sa ou fai atu i lo’u faiaoga e taina le pese “Pe a Ou Papatiso” mai Le Ekalesia a Iesu Keriso o le Au Paia o Aso e Gata Ai. Sa ioe lo’u faiaoga ma sue i luga.

E lei umi ae taina le pese mo tagata uma i lo’u potuaoga e faalogo i ai. I le taimi muamua sa tilotilo mai nisi o la’u vasega ia te a’u ma le ese, ae mulimuli ane sa mafai ona ou lagonaina le Agaga Paia i lo’u loto. Na faatumulia ai a’u i le filemu.

O lena aso ina ua ou tuua le aoga, sa ou lagona le fiafia tele ona sa ou faasoa atu le talalelei i tamaiti o la’u vasega e ala i la’u pese e sili ona ou fiafia i ai o le Peraimeri. Ou te manatu o se auala lelei lea e saunia ai a’u e valaaulia au uo i lo’u papatisoga.

Tatala le PDF

Ata na tusia e Simini Blocker