“O le Mana o le Atua O se Meaalofa!” Uo, Setema 2025, 20–21.
O le Mana o le Atua O se Meaalofa!
Sii mai le “Ia Ola e Tusa ai ma Ou Faamanuiaga,” Liahona, Nov. 2024, 7–10.
Talu ai nei sa ou asiasi ai i Haramoni, Penisilevania, ISA. O iina, i lalo o laau o le meipo, sa toefuatai mai ai le perisitua ia Iosefa Samita ma Oliva Kaotui. Sa ou alu foi i le fale sa nonofo ai Iosefa ma Ema Samita. I totonu, sa ou tu ai i le faamalama ma mafaufau po o le a se manatu o Ema ina ua ia tilotilo atu i lena faamalama.
Na tuuina mai e le Alii ia Ema se sāvali tāua e ala mai i Lana perofeta, o Iosefa. E mafai ona tatou faitau i lenei savali i le Mataupu Faavae ma Feagaiga 25.
Muamua, na a’oa’o atu e le Alii ia Ema e i ai sona nofoaga i Lana fuafuaga. Sa Ia faamanatu atu ia te ia o ia o se afafine i Lona malo.
Lona lua, na tuuina atu e le Alii ia te ia se faamoemoega. Sa faatinoina e Ema se vaega tāua i le Toefuataiga. Sa talosagaina o ia e aoao atu tusitusiga paia ma fatu le uluai tusipese!
O le mea mulimuli, sa aoaoina e le Alii ia Ema e uiga i ana feagaiga. O le tausia o feagaiga o le a fesoasoani ia te ia e lagonaina ai le Agaga, avea ma tagata sili atu, ma maua le taitaiga mo lona olaga.
O lo’u faamoemoe o le a e a’oa’o i le auala o le a faatagaina ai e sauniga o le perisitua ma folafolaga o feagaiga le mana o le Atua i lou olaga. Tatou te tofu maua uma lava le avanoa i le meaalofa o le mana o le Atua. I taimi uma tatou te aai ma feinu ai i le faamanatuga. I taimi uma lava tatou te ulu atu ai i le malumalu.
Taaloga Togitogi o Musika
Sa talosagaina Ema Samita e fatu le uluai tusipese. O loo tatou usuina pea viiga i aso nei! Ia auauai i le togiina o se tupe siliva po o se isi mea itiiti i luga o le laupapa. Pe a tulaueleele i luga o se ata, mafaufau i se pese e uiga i lena autu. Ona usu faatasi lea!
Ata na tusia e Shawna J. C. Tenney