“Areto e Lima ma I’a e Lua,” Uo, Setema 2025, 2–3.
Mai le Au Peresitene o le Peraimeri
Areto e Lima ma I’a e Lua
Mai se faatalanoaga ma Lucy Stevenson Ewell.
O se tasi o tala e sili ona ou fiafia i ai o loo i le Feagaiga Fou. E silia ma le lima afe tagata na faalogologo i le a’oa’o atu o le Faaola i le aso atoa. Sa amata ona latou fia aai.
Ona faiatu lea o se tasi o le au so’o, “O loo iinei le tama o ia te ia areto karite e lima, ma nai i’a iti e lua lau; a e aumā ea ia mea ia i latou e toatele?” (Ioane 6:9).
Sa fai atu Iesu ia i latou e aumai meaai ia te Ia, ma sa Ia tatalo ai. Ona tupu lea o se vavega. Ua lava e fafaga ai tagata uma. Ma sa i ai ni ato falaoa e 12 na totoe!
Ou te manao ia outou manatua po o ai na aumaia areto ma i’a. O se tamaitiiti laitiiti! Sa ia tuuina atu mea uma sa ia te ia i le Faaola.
E tāua tele fanau i le Tama Faalelagi. Pe a e mulimuli ia Iesu Keriso e ala i le auauna atu i isi, o le a Ia faamanuiaina oe.
E Mafai Foi Ona E Avatu!
Tusi se ata o se auala e mafai ona e auauna atu ai i isi.