“O Mea e 5 e Manatua e uiga i le Saogalemu o le Tino,” Uo, Setema 2025, 38–39.

O Mea e 5 e Manatua e uiga i le Saogalemu o le Tino

O lou tino o se meaalofa mai le Tama Faalelagi. E finagalo o Ia e fesoasoani ia te oe ia e saogalemu ma e fiafia. Afai e taumafai se tasi ia e afaina i upu po o amioga, e lē lelei lena! E tatau ona tatou agalelei ma faaaloalo i isi, ma e tatau ona tatou faamoemoe ia latou agalelei ma faaaloalo foi ia i tatou.

E le afaina le fai atu leai, e tusa lava po o se tagata matua. Ua ia te oe le matafaioi o le pulea o lou lava tino. O lona uiga e mafai ona e filifili pe afai e tago mai se tagata ia te oe; fusi oe, pe kisi ia te oe. E mafai ona faataitai ona e fai atu “Leai,” “Aua e te pa’i mai ia te a’u,” ma “Tuu mai a’u.” Afai o loo pa’i atu pe talosagaina oe e fai se mea e te le fiafia ai, e le afaina le fai atu leai ma alu ese pe a mafai.
Iloa po o fea pa’i e saogalemu pe le saogalemu. O se pa’i saogalemu e fesoasoani ia te oe e lagona ai le alofagia (e pei o se opo po o se faapa o lima i luga) po o le tumau i le mama ma le soifua maloloina (e pei o se matua e fesoasoani ia te oe e taele po o se fomai e fesoasoani ia te oe pe a e ma’i). O nisi taimi o se pa’i saogalemu e mafai ona tiga, e pei o le faia o se tui, ae e saogalemu aua e tausia ai oe ia e maloloina. O se pa’i e le saogalemu e afaina ai lou tino po o lagona, e pei o le tu’i, tulei, po o le pa’i atu i vaega patino o se tasi. O nei pa’i tiga pe maua ai se lagona o le lē mautinoa/to’a, e lē lelei.
E i ai vaega o lou tino o itusa e le tatau i se isi tagata ona pa’i ai ia te oe. O vaega patino e aofia ai vaega o lou tino e ufiufi i se ofu taele. E le tatau mo seisi tagata ona tagofia ou itusa i totonu po o fafo o ou ofu) pe faiatu foi ia te oe e pa’i atu ina vaega o o latou tino. Afai e tupu lenei mea ia te oe, ia talanoa i se tagata matua faatuatuaina i se taimi vave e mafai ai.
Manatua le eseesega i le va o mea lilo ma mea e ofo ai. O se mea e ofo ai o se mea fiafia lea e malie mo tagata uma, e pei o se meaalofa o le aso fanau. O se faalilolilo e pei o se mea e tau atu ia te oe e se tasi e aua nei tauina i se isi. Afai e fesiligia oe e tausi faalilolilo se mea e uiga i se tasi ua pa’i atu po ua faatiga ia te oe, e ao ona e talanoa vave loa i se tagata matua faatuatuaina. Fa’aauau pea ona ta’u atu i tagata matutua faatuatuaina se’ia o’o ina fesoasoani se tasi ia te oe ia saogalemu.
Afai e pa’i atu pe faamanualia oe e se tasi, e le o sou sese. O se tagata na faatiga ia te oe atonu o le a taumafai e faia ia talitonu isi o oe na faia se mea sese, ae e te le’i faia. E silafia ma alofa atoatoa le Tama Faalelagi ma Iesu Keriso ia te oe. Talosaga atu i se tagata matua faatuatuaina mo se fesoasoani, ma ia manatua e mafai lava foi ona e tatalo i taimi uma i le Tama Faalelagi mo se fesoasoani.