“O Se Talanoaga ma Phanon ma Phawin e uiga i le Tatalo,” Uo, Aokuso 2025, 40–41.
O Se Talanoaga ma Phanon ma Phawin e uiga i le Tatalo
O Phanon ma Phawin o se au uso mai Chiang Mai, Taialani. Sa ma fesili atu ia i laua i ni fesili e uiga i le tatalo.
Ta’u mai ia i matou e uiga ia te oulua.
Phanon: E10 ou tausaga. Ou te fiafia e taalo i le mu ma fausia ni mea i poloka uga. O le mea ou te fiafia i ai o le faitau. Ou te fiafia e faitau tusi ma le mekasini o le Uo.
Phawin: Ua 8 ou tausaga, ma ou te fiafia e taalo soka i luma o lo matou fale. Ou te fiafia foi e fausia ni mea i poloka uga. Ou te fiafia e faa’ata tagata.
E mafai ona e faamatala mai ia i maua se taimi na tali ai e le Tama Faalelagi au tatalo?
Phanon: Ou te tauivi e taulai atu pe a ou suesue, o lea ou te tatalo ai ina ia mafai ona ou taulai atili atu i le aoga. Ina ua faia sa’u tauvaga faaleaoaoga, sa ou popole tele i le suega. O lea sa ou tatalo ai, ma na iu ina ou lelei i le tauvaga. Sa ou lagonaina le faamanuiaina e le Tama Faalelagi.
Phawin: I se tasi taimi na leiloa ai la’u meataalo e sili ona ou fiafia i ai. Sa ou tatalo i le po ina ia mafai ona ou mauaina. O le aso na sosoo ai na fai mai ai lo’u uso ou te siaki pe ua pau le meataalo i tua o le kapeneta meataalo. Ona ou maua ai lea! Sa ou lagona le fiafia ona sa tali mai lo tatou Tama oi le Lagi i la’u tatalo. O nisi taimi e vave ona oo mai tali, ae o nisi taimi e oo mai lemu. Ae o le a Ia tali mai pea.
Aisea e taua ai le tatalo ia te oe?
Phawin: O le tatalo o le auala lea e mafai ona tatou faafetai ai i le Tama Faalelagi. E mafai foi ona tatou ole atu mo se fesoasoani e maua ai faamanuiaga.
Phanon: O le tatalo i aso uma o se tasi lea o auala ou te tausia ai a’u feagaiga ma le Tama Faalelagi. Ou te iloa e mafai ona ou tatalo i soo se mea i soo se taimi. Pe a ou tatalo, ou te lagona le alofa o le Tama Faalelagi.