“E Faapitoa Oe,” Uo, Aokuso 2025, 20–21.
E Faapitoa Oe
Mai se faatalanoaga ma Bradley Salmond III ma Karly Lay.
A o laiti laʼu fanau, sa ou tuuina atu ia i latou se faamanuiaga faaleperisitua i tausaga taitasi a o lei amataina le aoga. I se tasi tausaga, sa feagai ai lou afafine ma se taimi faigata. Sa ou le malamalama lelei i mea sa ia oo i ai ma sa ou lagonaina le popole.
Sa i ai se mea na tupu ina ua tuu ou lima i luga o lona ulu ma amata ona tuuina atu ia te ia se faamanuiaga. E ala i le mana o le Agaga Paia, na fesoasoani mai ai le Alii ia te a’u e vaai i lo’u afafine o se afafine ofoofogia ma le matagofie o le Atua. Na matuai suia lava la’u vaaiga. Sa ou le toe ita.
Sa fesoasoani le Tama Faalelagi ia te aʼu e vaai i loʼu afafine o se tagata faapitoa ma tulaga ese. Ou te iloa e ofoofogia foi oe! E te lalelei ma ua faatumulia i taleni ma tomai paia. O oe moni lava o se afafine/atalii o ni matua faalelagi. Ou te talitonu e moni lena mea i tamaiti taitoatasi uma i le lalolagi. E faapitoa ma paia outou.
Tumu i le Alofa
Tusi se ata o oe lava ia i se faavaa. A o e tusia se ata, mafaufau pe faapefea ona avea oe ma se atalii o le Atua. Faatautau lenei itulau e fai ma faamanatu o oe o se tagata faapitoa ma paia.
O a’u o se tagata faapitoa ma paia.
O Ata na tusia e Fiona Powers