Faamanuiaga o le Malumalu

Saunia e Peresitene Russell M. Nelson

Sii mai le “O Le A Toe Afio Mai le Alii o Iesu Keriso,” Liahona, Nov. 2024, 121–22.

O se alii, tamaitai, ma ni tamaiti se toalua o loo savavali i lotoa o le malumalu

Ua matou fausia malumalu i le tele o atunuu eseese. Aisea ua tatou fausia ai le tele o malumalu? Ona ua poloaiina ai i tatou e le Alii ia faia lena mea. O faamanuiaga o le malumalu ua fesoasoani e faapotopoto Isaraelu i itu uma o le veli. O nei faamanuiaga e fesoasoani foi e saunia ai i tatou mo le Afio Mai Faalua o le Alii!

I le maota o le Alii, tatou te taulai atu ia Iesu Keriso. Tatou te aʼoaʼo ai e uiga ia te Ia. Tatou te osifeagaiga ai, po o folafolaga, e mulimuli ia te Ia. E oo ina tatou iloa ai o Ia.

A o tatou tausia a tatou feagaiga o le malumalu, tatou te maua atili ai le mana o le Alii e faamalolosia ai. I totonu o le malumalu, tatou te iloa ai le alofa mama o Iesu Keriso ma le Tama Faalelagi.

Fesoasoani e Faapotopoto Isaraelu

O le faapotopotoina o Isaraelu o lona uiga o le fesoasoani i fanau uma a le Tama Faalelagi e toe foi atu ia te Ia. E fesoasoani le malumalu ia te a’u e faia lena mea. E mafai ona e fesoasoani i tagata uma e saili lo latou ala i le paso e agai atu i le malumalu?

Itulau PDF ma le gaoioiga paso o le malumalu