O Gaoioiga o le Sau, Mulimuli Mai ia te A’u

E mafai e perofeta ona maua faaaliga e uiga i le fausiaina o malumalu (tagai i le Mataupu Faavae ma Feagaiga 84:4–5). Tagai i itulau 2–3 e faitau ai le savali a le perofeta e uiga i malumalu ma fai se gaoioiga.

4–10 Aokuso: Mataupu Faavae ma Feagaiga 85–87

Mea e Sili Ona Fiafia I Ai

Ua aoao mai e tusitusiga paia ia i tatou e tatau ona tatou tusia i lalo mea taua (tagai i le Mataupu Faavae ma Feagaiga 85:1–2). I luga o se pepa, tusi, tusi se ata, pe kulu ni ata o mea e taua ia te oe.

11–17 Aokuso: Mataupu Faavae ma Feagaiga 88

Aoao Mai ma Aoao Atu

Ua aoao mai tusitusiga paia e tatau ona tatou taumafai e aoao i le tele tatou te mafaia (tagai i le Mataupu Faavae ma Feagaiga 88:118). Mafaufau i se mea e te manao e aoao atili i ai. Faitau se tusi e uiga i ai, fesili i se uo, pe fai ni sailiiliga faatasi ai ma le fesoasoani a se matua. Tusi se ata o mea na e aoaoina ma faasoa atu i lou aiga!

18–24 Aokuso: Mataupu Faavae ma Feagaiga 89–92

Meaai ma Mea Malie

E finagalo le Tama Faalelagi ia tatou tuu meaai lelei ma meainu i totonu o o tatou tino e fesoasoani ia i tatou ia maloloina! Ua ta’ua o le Upu o le Poto (tagai i le Mataupu Fa’avae ma Feagaiga 89). Fesoasoani e fai se fua e te fiafia i ai o loo i ai fualaau aina po o fualaau faisua. Fesili atu i se tagata matua mo se fesoasoani i le kukaina!

25–31 Aokuso: Mataupu Faavae ma Feagaiga 93

Malamalama ma le Upumoni

Ufiufi se moliuila i ni fasi pepa se tele. Aveese se tasi i taimi uma e te faitauina ai se tasi o mau nei: Mataupu Faavae ma Feagaiga 93:24, 28, 37. Talanoa e uiga i le auala e aumaia ai e tusitusiga paia ia i tatou le malamalama.