Falepuipui o Liperate

Susunuina o fale ma tagata feita ma fana

E toatele tagata i Misuri sa le fiafia i le Au Paia. Na auina atu e le kovana ni fitafita e faatonu i latou e o ese.

O se tagata o loo i luga o se solofanua o loo faasino atu se pelu ia Iosefa Samita

Sa puefaapagotaina e fitafita ia Iosefa Samita ma isi taitai o le Ekalesia. I se tasi po, sa talie leoleo i mea leaga sa latou faia i le Au Paia.

Iosefa Samita ma filifili i ona tapulima, o loo tu i luga ma talanoa i alii

Sa tu i luga Iosefa ma ee atu, “Fifilemu!” Sa ia tautala ma le mana o le Atua. Na fai mai leoleo ua latou salamo ma ua le toe talanoa.

O Iosefa Samita ma isi alii i le Falepuipui o Liperate o loo foliga faanoanoa ma malulu

Mulimuli ane, na tuu ai Iosefa ma ana uō i se falepuipui i se taulaga e ta’ua o Liperate. Sa malulu, laitiiti, ma pogisa le falepuipui. Sa na o vaomago palapalā e momoe ai. O meaai na tuuina atu ia i latou na mamai ai i latou.

O loo tagi Iosefa Samita ma se tagata o loo faamafanafanaina o ia

Sa popole Iosefa i le Au Paia. Ae sa le mafai ona ia faia se mea e fesoasoani ai ia i latou.

O Iosefa Samita o loo tootuli e tatalo i le falepuipui

Sa tatalo soo Iosefa. Sa ia fesili atu pe ua galo i le Atua o ia ma tagata o le Ekalesia.

Iosefa Samita o loo tootuli i le falepuipui, ma tilotilo i luga agai i le susulu o le la mai se tamai faamalama

Sa tali mai le Atua i le tatalo a Iosefa. Sa fai mai. “Loʼu atalii e, ia filemu lou agaga.” Na taʼu atu e le Atua ia Iosefa o ona luitau o le a le tumau e faavavau ma o le a mo lona lelei. Sa Ia folafola mai o le a Faatasi o Ia ma Iosefa “e faavavau faavavau lava” (Mataupu Faavae ma Feagaiga 121:7, 46).