E Faapefea ona E Iloa e Alofa le Tama Faalelagi ia te Oe?

E mafai ona tatou lagona le alofa o le Tama Faalelagi e ala i o tatou matua. Latou te faia ni faataitaiga lelei mo au, ma e mafai ona ou lagonaina lo la alolofa e le faatuaoia. Ou te lagonaina foi le alofa o le Atua e ala i le faitauina o tusitusiga paia ma le aai ma feinu i le faamanatuga i Aso Sa uma.

Layden U., 10 tausaga, Tuamasaga, Samoa

Ou te lagonaina le alofa o le Tama Faalelagi pe a ou tatalo ma pe a ou faia ni mea lelei mo isi tagata.

Philicia H., 10 tausaga, Ekalesia a Keriso, Barbados

Ou te lagona e alofa le Tama Faalelagi ia te a’u aua na Ia tuuina mai ia te a’u se aiga ma fatuina le tele o mea matagofie mo a’u ina ia ou ola fiafia ai.

Tiffany A., 8 tausaga, Ceará, Pasila

Ou te lagonaina le alofa o le Tama Faalelagi pe a ou faatasi ma a’u solofanua. Ou te manatu o loo ou aoaoina pea le auala e lagona ai.

Eirwen B., 9 tausaga, Wyoming, ISA

Ou te iloa e alofa le Tama Faalelagi ia te a’u aua na Ia foafoaina a’u. E alofa o Ia ia te au aua na Ia auina mai Lona Alo Pele e maliu mo a’u agasala. Na te tali mai a’u tatalo.

Sharon K., 9 tausaga, Itulagi Tutotonu, Uganda

E fesoasoani o ia ia i tatou. Sa ia tuuina mai ia te a’u se soifua maloloina lelei, se aiga maoa’e, ma se aoga lelei tele. Na te fesoasoani ma lagolagoina e mama’i ma tagata o loo manaomia le fesoasoani.

E’rich J., 9 tausaga, Ouest, Haiti

O le alofa o le Tama Faalelagi ou te lagona ai le filemu ma le saogalemu.

Jarom K., 10 tausaga, Hattula, Finelani

Ou te iloa e alofa le Tama Faalelagi ia te a’u aua Na te faamanuiaina a’u i aso uma.

Jack C., 10 tausaga, Cebu, Filipaina

Ou te nofo i se nofoaga e siomia e mauga, ma a ou alu iina i le tolauapiga, ou te lagonaina le alofa o lo tatou Tama Faalelagi.

Chloe L., 10 tausaga, Auvergne-Rhône-Alpes, Farani

Ou te lagonaina le alofa o le Atua pe a ou maua se fesoasoani i le mauaina o se taaloga lelei i taimi o taaloga soka.

Brayden Q., 10 tausaga, Colorado, ISA