A Karaoa Aia Mwakuri ni Mitinare Abotoro nako Buritan

E tuanga Iotebwa Timiti te Uea bwa e na kanakoia tabeman Abotoro ni mitinare i Buritan. E rangi ni kangaanga irouia Abotoro bwa a na kitaniia aia utu, ma E berita te Uea nakoia bwa e na kakabwaiaia.

E uarereke ana utu Heber C. Kimball ma kainnaba ae Vilate. Angiina a bon rootaki n te aoraki.

E bon aoraki naba Bringham Young, ao a rangi ni maiu ni kainnano ana utu. Ma e tuangnga buuna ae Mary Ann, “Waakinako karaoa nanon am mwakuri ni mitinare, ao e na kakabwaiako te Uea.”

A moanna ni marurung Heber ao Brigham, ma a bon rangi ni mamaara rabwataia. A tangiria n taetaekina te euangkerio, ngaia are a kaboo nakoia aia utu ao n tamwarakea bukin te kaa are e kokooaki n te aoti ao ni waakinako ni mwanangaia.

Imwiin te mwananga ae maan i nanon marawa, a roko i Buritan Heber ao Brigham. A reireia te euangkerio nakoia aomata aika a mwaiti, ma Abotoro ake tabeman. Ngaa ma ngaa aomata ake a bwabetitoaki nakon ana Ekaretia Iesu Kristo. A mwaiti mai buakoia aomata akanne ake a mwananga rinanon marawa n raoniia Aomata aika Itiaki n te United States.

E kawakina Ana berita te Uea n tararuaia aia utu Heber ao Brigham ngke a karaoa aia mwakuri Ibukina bwa mitinare ngaiia.