Bon Iai Iesu?

Iroun Brynn J., 7 ana ririki, Georgia, USA

E tekateka te ataeinaine n te taibora ma tinana, mwanena, ao tarina

N te bong teuana I raoniia tariu ao mwaneu n tekateka n te taibora ni karaoa ara kamatebwai ni koroboki aika tabu n ara utu. E moana waakin ara reirei n Nakomai, Iriirai tinau, ma e aki bane nanou iai. I tabe ni iangoa te bwai riki teuana: Bon iai Iesu?

Ti reiakinna n te taromauri ao te Moanrinan bwa bon iai Ngaia, ma I aki koaua raoi ngai iai. I iangoia man iangoia, ma I aki kunea te kaeka.

Imwiin ara kamatebwai ni koroboki aika tabu, I titirakina tinau, “Bon iai Iesu”

“E rangi n tikiraoi am titiraki,” e taku. “E uara ngkana ko tataroakinna?”

“E Tamaroa” I kaeka.

I tataro n te tairiki anne ao ni bubuti, “Tamau are i Karawa, Bon iai Natim?” Imwiina I namakinna te abuee i nanou. I ataia bwa e a tia ni kaeka au tataro te Atua. Imwiin anne, I tataro ni karabwarabwa nakon Tamau are i Karawa ibukin kaekakiu. I ataia bwa E kakaungo nakon au tataro ao E na bon ongora naba nakon am tataro.