Ana Banna ni Katooto Tibutoruu te Unaine

Iroun Beretitenti Henry B. Eyring

Kauoman ni Kauntira n te Moan Beretitentii

Anaaki man “E Bebete ana Reirei Iesu Kristo,” Riaona, Nob. 2024, 96–99.

E rarangaa te kunnikai te aine, e katobibiaki irouia ikawai ao ataei ake a kakauongo nakoina

E babane nanon tibutoruu te unaine ae Mary Bommeli n tibwaa ana euangkerio Iesu Kristo. E reireinaki ana utu irouia mitinare i Switzerland ngke 24 ana ririki.

Imwiin bwabetitoana, E mwaing nako Tiaman. E kunea bwa e aki kona n toki mairouna tibwaakin bwaai ake e a tia n reiakinna. A katotobibiia aomata n ongora ana reirei ngke e rarangaa te kunnikai.

E marooroakina Ana Boki Moomon ao rokon Tamara are i Karawa ma Iesu Kristo nakon Iotebwa Timiti. E reireia taekan te Mangauti. E kakoaua bwa a kona ni manga ikotaki ana utu ibukin te tai ae akea tokina.

Reireia natin Tamara are i Karawa taekan ana mwakuri ae tabu Iesu Kristo. Ngkai ti reirei tua aikai nakoia naake ti tangiriia, e na buokiira te Tamnei ae Raoiroi n ataa te koaua.

Korea Tamnein Karakinan te Utu

E anaaki nanon Beretitenti Eyring iroun tibutoruna te unaine. Antai n am utu ae anaaki nanona bwa e na karaoa ae eeti? Kabonganaa baenoo aika i nano n korea tamnein karakinan te utu.