Te Mwane n te Mwakete
N te tai aei, N nang karaoa raoi are e tuangai Tinau, e iango Anane.
Te karaki ae koaua mai Ghana.
E wiingare Anane ngke e rianna i nanon te kawai. E kaona nanon te mwakete boin te ika ae baniiaki ao aomata aika a tabe n taetae. Iaon kawaina teuaei nakon ana auti ai tamana. E a tia tinana n angan Anane te mwane ae bon tau bwa e na angan ana ai tamana.
E taratara nako n tarai bwaai ake a kaboakinako, amwarake, ao bwaai riki tabeua. Ngkanne iai te bwai ae katika matana.
Iai te tabo n amwarake ae tei are e reke iai kanana ae rang tatangiria, te toffee ao te bitiketi. E tara te mwane are e anganna Tinana. Tebubua te cedis e rang rawata, e ingoia i nanona. Kanana are e tatangiria bon ti 10 cedis. E bon bae n aki ataia ai tamana ngkana iai ae bua.
E kabooa kanana Anane. E karinna i wiina ana toffee ao e reitanako kawaina nakon ana auti ai tamana.
E tei i tinanikun ana auti ai tamana ngke e rianna nakoina Anane.
“Ngkana tiaki te teei are Anane! Nakomai,” e taku ai tamana. “Tera ae I kona ni buokiko iai?”
“I uota am mwane mairoun Tinau.” E anganna Anane te mwane, imwiina e kaoki baina nakon ana buua. E na kona n ataia ai tamana ae iai tabeua te mwane ae bua? E taraia ngke e warekia ai tamana.
“Ko rabwa ngkai ko kona n uota aei,” e taku Uncle.
E kukurei Anane bwa e aki ataia ae iai te mwane ae bua ai tamana. E kabo ao e a rianna n okira mweengana. Iaon kawaiana, e kabanea ni kana ana toffee ao ana bitiketi.
“E uara te rianna nakon ai tamam?” E titiraki Tinana ngke e roko n te auti Anane.
E kakuia angana. “E bon raoiroi.”
“Ko rabwa ngkai ko uota te mwane arei nakoina ibukiu,” e taku Tinana.
E baraaki Ananae n taraa te timanti. E a moanna n namakina te kaairua. Tera ngkana arona bwa ana karo a kunea bwa iai te mwane ae e kabongana? E aki tangiria bwa e na bua onimakinana.
Te ingabong are imwiina, e tuanga Anane tinana bwa e na kaboi bwaai tabeua n te titoa ae uakaan. “Waekoa oki nakon te auti ngkana e bane am bobwai, Ko ongo?”
“E TAMAROA.” E rianna Anane rinanon te mwakete, ma e aki tei ni kabobwai. E kakuia ana ari ao e iango, Te tai aei N nang karaoa raoi are e tuangai Tinau.
N te tai are e bane iai, e oki nakon mweengana. E angan Tinana ni kabane nikiran te mwane.
N te Tabati anne, e nako Anane nakon ana kirati n te Buraimwarii. “Mauri n te ingabong aei!” e taku ana tia reirei. “N te bong aei ti na maroroakina taekan te ongotaeka. E rang kakaawaki iroura bwa tina ongora irouia ara karo ao ni karaoi rinerine aika a tamaroa.”
E iangoa te mwane are e kabanea Anane iaon te toffee ao te bitiketi. E namakina biritona ni bwaka. E ataia bwa e a tia ni karaoa te rinerine ae bure.
Imwiin te taromauri, e tangiria n taetae nakoia ana karo Anane. E tata buroona.
“Tinau, Tamau? Kam ata te mwane are kam anganai bwa N na uotia nakon ai tamau?” E titiraki Anane. “Eng, I kabooi tabeua amwarake mai iai.” E baraaki teuaei n taraa aontano. “I rang kabwarabure.”
“Ko rabwa n am kokoaua,” e taku Tamana. “I kakatonga iroum.”
E moangare Anane. E rang kukurei ngkai e taekina te koaua. Ao e namakina te kukurei imwiin are e tuangiia ana karo. E a bon tia ni karaoa te rinerine ae tamaroa.
Kamatata n te tamnei iroun Aleksandar Zolotic