Au Taeka man te Euangkerio

Te mwiokoaki bon te katabeaki n tararuaa te bwai teuana ae kakaawaki. E onimakiniira Tamara are i Karawa ma te mwiokoaki i aon te aonaaba. Nanon anne bwa E tuangiira bwa ti na tararuaa ao ni kamanoa Ana aonaaba ae tamaroa.

Rairannano bon arora n rairaki nakon Iesu Kristo ngkana ti karaoi rinerine aika a kaairua. N rairannano, ti riai n nanokawaki ibukin te bwai are ti a tia ni karaoia, butiia ana ibuobuoki Tamara are i Karawa ao ana kabwarabure, ao kataia ni karaoa mwiina. Ibukin Ana Mwakuri ni Kamaiu te Tia Kamaiu, ti konaa n tannako man rinerine aika a bubuaka ao ni karaoi rinerine aika a raraoi.

Te abanuea ae te Tiretio bon te tabo ae a maeka iai Tamara are i Karawa ao Iesu Kristo. Man rinean iriirakin Iesu Kristo, ti kona ni maeka ikekei n te bong teuana ma ara utu n akea tokina.

Mangauti bon te tai are e bootaki iai tamneim ao rabwatam i mwiin matem. N te tai are ko a manga kautaki iai, e kororaoi rabwatam, ao ko aki kona ni manga aoraki ke ni mate. Ibukin Ana Mwakuri ni kamaiu Iesu Kristo, a na manga bane ni manga kautaki aomata ni kabaneia.