Reirei ao Rikirake
Ti roko nakon te aonaaba bwa ti aonga n reirei ao n rikirake ao n riki n ai aron Tamara are i Karawa n te bong teuana (taraa Mote 1:39). N tabetai ti karaoi rinerine ake ti aki kukurei iai. Ngkana ti bure ke ti karaoa te kaairua, bon te tai ibukira n rairaki nakon Iesu Kristo.
Ko kona n rikirake ao ni manga kataia riki ngkana ko karaoa te bure ke te rinerine ae buakaka. A tangiriko Tamara are i Karawa ao Iesu Kristo ao a kona ni buokiko n taainako!
A Kona n Rairannano Aomata ni Kabaneia
Bon te bure rinean karaoan te bwai teuana ae ko ataia bwa e kaitaraa ana tua te Atua. E ataia Tamara are i Karawa bwa ti na bon kakaraoa te bure n taainako ao ni karaoi rinerine aika a buakaka. Anne bukina ae E karokoa natina ae Iesu Kristo. Ibukin Iesu Kristo, ti kona n raira nanora, namakina Ana tangira, ao ni karaoi rinerine aika a tamaroa riki (taraa Enoti 1:5–6). Uringnga, e a tia ni beritanna te Uea, “Ane e a tia n raira nanona man te bure, ao e na bon kabwaraaki ana bure, ao Ngai, te Uea, N na aki manga uring ana bure” (Reirei ao Berita aika Tabu 58:42).
Reirei man Kaairua
Kaairua bon bwaai aika ko raoi ma tiaki nanom. A kona n tabetai kaairua ni karikiko bwa ko na namakina te nanokawaki ao te maama. Ma tiaki riai n aki kabanei ara iango i aon ara kaairua! Ti kona n reiakinaki mai iai ao n aki manga karaoi. E kona naba ni buokira n aio Iesu Kristo.
Tamnei iroun Tatsiana Burgaud