“Te Neweaba inanon Mwanangara ni Kamatebwai,” Te Rao, Meei 2025, 40–41.
Te Neweaba inanon Mwanangara ni Kamatebwai
“Ti a kitana te kurubu,” e taku Ralph.
Te karaki ae koaua mai Ghana.
E biri Nyamedo ma tarina ae uarereke Kwame nakon te bwati. A tamwarakea te kaintamwarake ao n nako n tekateka irarikin te winto. Nyamedo e taraa tinaniku n taraa otan taai iaon kaai aika kiriin. E karaoa te mwananga ni kamatebwai aia reirei n te tabo ae e a tia ni kamanoaki. Te bong aei bon ara tai n neweabai!
“Hey, Nyamedo!”
Raoraon Nyamedo aika Ralph ao Sierra a tekateka iaon te kaintekateka are e kaitaraa.
Ralph e katika bain ana kunnikai Nyamedo ao e wirikiriki nakoina. “Ngkana ti roko n te tabo n takakaro, ao ti na nako ni karaoa te kakaae!”
“Eng!” E taku Sierra. “Ti kona ni karaoi oin ara neweaba.”
E katoua atuuna Ralph. “Ti kona ni kitanna imwain te moan waaki.”
Nyamedo e iangoi bwaai ni kabane aika ana kona n noori n te buakonikai. Kaai aika ririeta, maan aika kamimi, ao tao bwaronran!
“E taraa ni kaunga anne! Ti a karaoia, ” e taekinna ma te moangare.
Ngke e waerake te bwati nakon te tabo n tataninga, a otinako man te bwati Nyamedo ao Kwame. A tuangaki ni kabane irouia aia tia reirei bwa a na tiku ma te kurubu ao n aki maenako.
E nakonako Ralph nakon Nyamedo. “Uringiia ara babaire?.” E wirikiriki Ralph.
E katoutoua atuuna Nyamedo. Ma ngkanne e tei n iango. Te nakon te buakonikai e taraa ni kaunga ma e ataia naba Nyamedo bwa e kona ni kararaoma. Tera ae na riki ngkana a bua ke n ikoaki?
E aki maan, e namakina te bwanaa n taetae nakoina. Tiiku ma Kwame.
Te bwanaa arei e maaraara mani bebete. E ataia Nyamedo bwa bon te Tamnei ae Raoiroi.
E maaku bwa rimwi ana un raoraona nakoina bukina bwa e aki iriia n neweaba. E ataia bwa te Tamnei ae Raoiroi e kamanoa.
Nyamedo e rairaki nakon Ralph. “Kabwara au bure, n na bon riai n tiku ma tariu, e taku. “Ngaia bon tabeu.”
Ma Ralph e kaota te mata n aki kukurei.
“Ma ko taku bwa ko na roko!”
“E taku te tia reirei bwa ti riai n tiku,” e taku Nyamedo. E katiia te ang mai wiina Ralph ao e kitaniia.
Nyamedo ao Kwame a nako ma nikiraia ataein te reirei ao n ira aia tia reirei. A nako moa nakon te rain n tie. A ukaki ubuia n te ang ngke a tabe n tie iaon kaai aika kiriin. Ti tebo ma ae ti a kiba!
Imwiina ao te tia kairi n te tabo n tataninga e reireiniia taekaia tabeman maan aika a maeka ikekei. Nyamedo ao Kwame aikoa kona n tataninga ni kan noriia. A reirei taekaia zebras, mwangki, tineiki, antelope, ao man ni kiba aika mwaiti! Imwiin norakiia maan aika kamiimi, a nako n tamwarake iaon te bwaa ao iaon nukan te aoti. Imwiina ao a takakaro.
E kukurei Nyamedo bwa e a tiku ma Kwame. Ngke arona bwa e aki ao e na tia n aki irii bwaai aika a rang kakukurei!
Ngke e a bo te tai n oki nakon te bwati, Nyamedo e noora Ralph ao Sierra. A birinakoina.
“Ti kuri n reke irouia mwangki ake a kakioira,” e wirikiriki Ralph. E taraa ni maaku teutana. “Ti kuri ikoaki.”
E katoutoua atuna Sierra. “E bon raoiroi ngke ko aki iri.”
“Whoa,” e taku Nyamedo. “I kukurei bwa ko raoiroi!”
Te Tamnei ae Raoiroi e bon kamanoai., e iango. E taua bain Kwame ngke a nako n toka n te bwati.
E kakaitau bwa e a tia te Tamnei ae Raoiroi ni kamaiuia ao ni buokiia ni kaungaa aia neweaba.
Kamataata n te tamnei iroun Cam Kendall