Te Nne n Amwareke ae Aki Ataaki Kanoana

“Tera te bwai aei, Mum?” E katika te kaen ni bwai ae bubura mai bukin te kabwate. “Akea korobokiana i aona.”

“I mwaninga taekan anne,” e taku Mum. “A tia taekaia ni kounako man tabeua tiin ni bwai, ngaia ae e a kaboanako te titoa n ae boraoi. I kabooa teuana. I kunea bwa ngaia bon tiin ni peas.”

E karaoa ubuna Sadle. Tiin ni peas bon tiaki te bwai ae tatangiria.

E anaa te tiin Mum ao e kaokia. “Ana kona ni buakaka n te tai ae waekoa. Ti riai ni kang n te bong aei.” E katuka te tiin i aon te taibora.

“Tera te bwai anne?” E titiraki tarin Sadie ae ikawai riki, ae Jason.

“Antai ae ataia?” E taku Sadie. “E taku Mum n ana iango bwa te peas.”

E ioioa te tiin Jason. “Titebo ma tiaki te peas. N au keeti ao bon te beans.”

Anne are e a reke iai ana iango Sadie. E anai tabeua teibi ao te mwaaka ao e korea “peas” i aon te beeba are teuana ao “beans” i aon are teuana. E kanimma nakon te tiin.

I mwina ao e iango tabeua te miniti ao e korea te “tomato sauce” i aon te beeba are teuana.

N te tai anne ao e rinnako i nanon te ruu Dad. “Tera ae riki?”

“Ti takakaro,” e taku Mum. “Ketinna bwa tera are i nanon te tiin.”

E anaa te tiin tamau, e kabanea korakorana n ioioia, ao e arokia. “Mushrooms!” e katanoata.

A bane aomata n ngurengure. “Tiaki mushrooms!” E taku Sadie. Anne e bon aki raoiroi riki nakon taian peas, beans, ao tomato sauce. “E raoiroi riki ae tao ti nang karenakoi taian tiin.”

“Ko aki rangi n tangiria ni kan ataia bwa tera bwaai ake i nanona?” e titiraki Mum.

E anaa te bwai ni kauki tiin tamau. “I bon!”

Ngke e kauka te tiin tamau, e rabun matana Sadie. Ma ngke e katika matan te tiin ni kaukia, e rotia te miimi. E onrake te tiin n taian uanikai aika rang kangkang.

“E Kangkang!” e taku ngke e tarai mwakorokoron pears, grapes, cherries, ao peaches.

E uoti boora ao buun Jason. “Ti a bane n amwarake!”

E anai tabeua Sadie n te buun man te tiin nakon ana boora. I aki kona ni kakoaua ae ti bane ni kairua,” e taku. “I bon koaua bwa iai te bwai ae buakaka i nanona.”

“Ti mwamwakeniia aomata n aron anne?” e titiraki Mum.

“Tera ae ko nanonna?” E titiraki Sadie.

E barei ana boora Tamau i aon te taibora. “Ti baaireia bwa tera bwaai ake i nanona, ngkai ti tii konaa n noora tinanikuna.”

E iangoa taekan anne Sadie. “Ngke e tibwa rin n te reirei Samara, ao n au iango e unuun. Ma ngkanne I kunea bwa e aki kona n taetae n ara taetae. Ngkai ti a takakaro n taainako!”

“Anne te banna ni katooto ae raoiroi,” e taku Mom.

“N tabetai I namakinna ae I taekinaki,” e taetae ni karaurau Jason. “A taekinai ataei n te reirei bwa I ti karekei au bui aika raraoi bukina bwa a tangirai taan reirei. Ma koauana e kangai, I mwakuri korakora ao ni karaoi au bwai n reirei ni kabane.”

“A kona ni kammaraki taekam, ngaia anne?” e taku Tamau.

E katoutoua atuuna Jason.

E kana kabanean mwakoron ana uanikai Sadie. “Ma a bane ni buakaka taekaia are e koreaki? N te titoa ao ko riai n ataia bwa tera raoi te bwai ae ko kaboa.”

“E koaua anne,” e taku Dad. “Ngaia ae n ningai ae a na raraoi iai taekaia?”

E taua nako eeta ana buun Jason. “Ngkana a bane ni koaua”

“Ao antai ae e ataa raoi te bwai ae mena i nanon te aomata?” e titiraki Mom.

“Tamara are i Karawa,” A kaai n taekinna Sadie ao Jason.

“E reke irou!” E taku Sadie. “Ngai natin te Atua. Anne raoi te kanikina ae e eti ibukiu.”

“Ao ngai,” e taku Jason.

“Ao ngai!” e taku Tamau.

“Ibukiia aomata ni kabane.” E wiingare Mom. “Ngaia ae ti riai n aki taekiniia aomata n te bwai ae ti nooria mai itinanikuia, ke ni kakoauai taekaia aika ti tuangaki. Bukina bwa ti te Atua ae atai bwaai aika mena i nanora.”

E koroia Sadie i aon te mwakoro n teibi ae boou ao ni kanimma i aon ana kunikai. “Natin te Atua,” e taku. E wiingare Sadie. E tangira te koroboki anne ni kabane.

Открыть PDF

Te kamataata n te tamnei iroun Róisín Hahessy