A Kamanoi Baan Booki Aika Tabu Mary ao Caroline

Mary Rollins bon 12 ana ririki ngke e moana reiakinan taekan Ana Boki Moomon. E tangoa te kaobi ao e kabanea angiin te tairiki ni warekia.

E rangin n ingainga nanon Mary ibukin te boki ae boou ae arana te Boki n Tua. E na rawata i nanona ana reirei Iesu Kristo are e a tia n angan Iotebwa Timiti.

Ma tabeman aomata a ribaa te Ekaretia. N te bong teuana, a rin mwaane i nanon te kateitei are e boretiaki iai te Boki n Tua. A karenakoi bwaai ni boreeti i tinanikun te winto ao ni kamaenakoi baana nako nanon te kaawa.

Mary ma tarina ae uarereke riki, Caroline, a karabaia ao a mamataku. E tangiria Mary ni kawain baana i mwain ae a urubekeaki. E maaku Caroline, ma a ataia ae iai inanon baana ana taeka te Atua.

A biri nako nanon te kaawa taari aikai ao n rikoi baana n aron are a kona. A noriia tabeman mwaane ao a takarua nakoia bwa ana tei. A kamatoai n taui beeba i baaia Mary ao Caroline ao a biri nakon te rua ni koon ae kaan.

Uoman mwaane aika a biri n rimwiia. A bwaka i aon tano Mary ao Caroline ao a karabai baan beeba iaan rabwataia. A kakauongo n aki karongoa ngke a kakaeaki irouia mwaane.

N te tai ae aki maan ao a bwara nanoia mwaane. A mano raoi Mary ao Caroline! A tia ni kamanoi koroboki aika a tabu. Ni boong aikai kaotioti akanne a mena i nanon Reirei ao Berita aika Tabu.