Rabwatam Bon te Bwaintangira!

Rabwatara aikai a roko n tiaitiia, teia, aia konabwai, ao aia kara ae kaokoro. Rabwata n tatabeua nako bon te bwaintangira ae kamimi mairoun te Atua ao mwakoron Ana babaire ae kakawaki!

A riai rabwata ni kabane n karineaki. Taetae ma te akoi ibukin oin rabwatam ao rabwataia ake tabeman. A kona aomata n taekin bwaai aika a ribuaka ibukim, ma ko na aki kakoauaia ke n iangoi aia taeka ke ni kabanea am iango n aia taeka.

Rabwatam bon mwengan tamneim. Tera ae ko katikua n rabwatam ao kaburorom a kakawaki! Ti kona n tararua rabwatara man kanakin amwarake aika kamarurung, bwainakin te kamarurungi, ao te matu ae tau.

Ti kona n tararua tamneira man ara kakauongo nakon te Tamnei ae Raoiroi, te tataro, ao rinean te eti.

Angiia aomata iai riia ae raka iaon 200 mwaitina. Riim a boutokaa ao a kamanoa rabwatam. Am mwatireti a buokiko ni kakamwakuri, n nakonako, ao ni biri.

Iia ake inanon buroom a uki ao a in inanon taai aika e raka iaon 100,000 ni katoabong. Aio e buokia ni bwamwiia te rara rinanon rabwatam ni kabane.

E mwakuri korakora kaburorom ni kaotako ni bwaai ni kabane aika ko noori, ko ongo, ao n namakinna. E korakora riki ao e birimwaaka riki nakon te kaombiuta.

Ngkana ko tabe ni ikawai, ao e na rikirake rabwatam. E karika rabwatam Tamara are i Karawa bwa e na teimatoa ni bita maium ni kabane!

Tera ae ko karaoia ma rabwatam e kakawaki riki nakon aron tarakina. Ko teimatoa ni akoia aomata ao ai bon ngkoe ao n ira Iesu Kristo?

Tai kabotaua rabwatam ma tabeman riki. Uringnga, bwa rabwatam bon te bwaintangira mai iroun Tamara are i Karawa!

Kamatata n te tamnei iroun Jeff Ward