Baika a na Taraaki n te Maungatabu

Te ibuobuoki mai Karawa

Beretitenti Oaks e taetae iaon bwaai ae anganiira Tamara are i karawa ae e na buokira n rinea te Eti. Ara tia ibuobuoki ae korakora bon ara Tia Kamaiu, Iesu Kristo. Mairouna, ti karekea kabwarakin ara bure ao te maiu imwiin te mate. Tamara are I karawa e anganiira naba tuua, berita ao mwakuri aika tabu, ao te Tamnei ae Raoiroi ni buokira n kaira kawaira.

Korea tamnein te kawai teuana ae buokiko iai Tamara are i Karawa!

Kaaniiaki ma te Tia Kamaiu

Beretitenti Eyring E taekinna bwa ngke e uarereke, ao te taromauri n toa e karaoaki n te tairiki. N te tairiki teuana ae rootongitong man kamwaitoro, e namakina te oota ma te aabue inanon te umwantabu ngke e kana te toa. Ngke a anenea taekana “O te tia kamaeu, tiku n te tairiki aio ma ngai,” e namakina kaanin ma ana tangira te Tia Kamaiu rinanon te Tamnei ae Raoiroi.

Korea tamnein te kawai teuana ae ko konaa n rikirake n kaan iai nakon te Tia Kamaiu.

Onimaki, Riki bwa Kaaina, Bitaki

Titita Wright e tibwaua ae ti konaa n riki bwa taan iriira Iesu Kristo. Ti kona ni kakoaua man reireiakinan rongorongona ao man namakinan te Tamnei aei raoiroi. Ti kona n riki bwa kain ana Ekretia Iesu Kristo man karaoakin ao kawakinan berita. Ti kona n riki n katotonga man iriiran ana banna n katoto.

Te Bwai n Tangira ae Onoti

Unimwaane Kearon e taekina te katei ae karaoki n te aonaaba ae te anga bwaintangira. Ti anga bwaintangira ti anga ao ti butimwaai. N aroia penguins aika a anga atibu aika a raneanea imarenaia bwa bwaaintangira! Teuana te bwaintangira mai iroun Tamara are i karawa ae kakawaki bon ataakin ae bon ngaira natina aine aika a tangiraki ao natina mwane aika a kakawaki. Ngkana ti butimwaea raoi te bwaintangira aio, ti kona n ataia bwa antai raoi ngaira, ao n ataia ae ti tangiraki.

Karawa ae onrake n itoi

Unimwaane Tai ao ana utu a kaembwa n te taina itinaniku iaan itoi. A titirakinna natina bwa bukin tera aki konaa n noori itoi n mwengaia. E kabwarabwara bwa baerakan te eea e karekea uarereken nooran itoi. Katabetabe ma kariiri ana kona n kamabubua ara taratara n tamnei. Ma man te onimaki, ti kona n ataia bwa Tamara are i karawa ao Iesu Kristo a memena ikekei n taainako.