Nakomai, Iriirai Waaki ni Kakukurei,” Te Rao, Meei 2025, 22–23.
Nakomai, Iriirai Waaki ni Kakukurei
Ibukin bootakin te utu n te tairiki ke kamatebwaian booki aika tabu—ke tii ibukin te kaungaunga!
Eberi 28–Meei 4: Reirei ao Berita aika Tabu 41:44
Te Taura ae Uraura, Te Taura ae Kiriin
Ti reiakinna man booki aika tabu aron kakaawakin irakin ana tua te Atua (taraa Reirei ao Berita aika Tabu 42). Karika te aomata temanna bwa te tia kairiiri ao n tei i matan te kurubu. Ngkana a tonga te “taura ae kiriin,” a kona aomata ni kabane ni waaki nako. Ngkana a taekina te “taura ae uraura,” a na bane aomata n aki kakamwakuri!
Meei 5–11: Reirei ao Berita aika Tabu 45
Ana Buu te Anera
E na katanga ana buu te anera ngkana e a manga oki Iesu Kristo (taraa Reirei ao Berita aika Tabu 45:45). Karaoa oin am buu man te beeba! Niniira te mwakoro ni beeba nakon katotongan te koun ao kainna n te teibi. Ko kona naba ni karina bwain tauana nakon am buu ni katangitang ke taian mronron ibukin bwatinna. Imwiina ao kataneiako taetae nakon am buu ao taekinna bwa bukin tera ko tangira Iesu Kristo.
Meei 12–18: Reirei ao Berita aika Tabu 46–48
Te Mwangko n Tatangira
E anganiia aomata ni kabane te Atua ana bwaintituaraoi te tamnei. Are nanona bwa E kakabwaiaira ma taarena rinanon te Tamnei ae Raoiroi (taraa Reirei ao Berita aika Tabu 46:11–33). Kakaea te tiake ke te mwangko ae akea kanoaia. Korei iaon beeba, tarena aika kakaokoro ke bwaintituaraoi ae iai iroun temanna. Karekei ami tai n rinei man te tiake ao arana temanna ae ko ataia ae iai irouna te bwaintituraoi anne!
Meei 19–25: Reirei ao Berita aika Tabu 49–50
Iriira te Kawai
Ana euangkerio Iesu Kristo e atongaki n tainako bwa te berita ae akea tokina (taraa Reirei ao Berita aika Tabu 49:9, 12–14). E a tia naba Beretitenti Nelson n atongnga bwa kawain te berita. I aon mwakoro ni beeba, koroi kawai aika ti na kona iai n ira Iesu Kristo. Karaoa te kawai ma taian beeba ao karekea am tai n nakonako i aona.
Korotamnei iroun Christina Smith