Kamatoaan nanora imatan te Atua

Iroun Beretitenti Russell M. Nelson

E anaaki man “Kamatoaan nanora imatan te Atua,” Riaona, Meei 2025, 127–29.

Ngkana ti karaoi ao ni kawakin berita, ti kona n karekea te koaua raoi mairoun te Tamnei ae Raoiroi. Ti kona n karekea kakoaua raoi ae Tamara are I karawa e ongongo iroura ao e tangirira riki nakon are ti konaa n ataia. Ti kona n karekea te koaua raoi ae E tangiria ni buokira n karokoira n ara kabanea n tamaroan rikira. Te tangira ae kororaoi ao te raoiroi a kauka te kawai nakon karekean kamatoaan nanora imatan te Atua!

Te tangira ae kororaoi nakoia aomata ni kabane bon kanikinaeaia aika taan raoi! Ti na tataro nakon Tamara are I karawa bwa e na kaona nanora ma te tangira ae kororaoi.

E kariki bwaai ni kabane te raoiroi bwa a na nakoraoi ao ni kakukurei! Ngkana iai am iango ae buakaka, ae iowawa, ke ae kananokawaki, te raoiroi e kabuai nako iango akanne.

Ara iango, taetae, ao ara mwakuri a tangiraki n kaonaki n karaoan te raoiroi ao ni kaonaki n Ana tangira Iesu Kristo nakoia aomata ni kabane. I kaoiko bwa ko na rikirake inanon am nano matoa imatan te Uea.

Kamatebwaia Raoi

Korotamneia ke korea am kaeka nakon titiraki aikai man ana maroro Beretitenti Nelson.

Ko na kanga ni kaota te tangira ao te tangira ae itiaki nakoia aomata?
Tera te bwai ae raoiroi ae ko konaa n iangoia ngkana e roko te iango ae buakaka, iowawa, ke te kananokawaki n am iango?

Taeka raa man Koroboki aika tabu ae e kabongana Beretitenti Nelson n reiakina te tangira ae kororaoi ao te raoiroi? (Ibuobuoki: Ko konaa n kabongai koroboki aika tabu n kakaea iai!)