“Faamatala le Tala o le Eseta,” Uo, Aperila 2025, 24–25.

Faamatala Le Tala o le Eseta

Saunia e Lucy Stevenson Ewell

Fai lenei polokalama o le Eseta ma lou aiga! Filifili le aufaitau mo vaega taitasi. Ona ao mai lea o nei mea po o ni mea e taitutusa e tuu i luga mo vaega taitasi o le tala.

I le vaiaso a o lumanai le maliu o Iesu Keriso, sa tietie atu ai o Ia i Ierusalema i luga o se asini. Sa talotalo atu tagata i laupama ma alalaga, “Osana!” (Tagai Mareko 11:8–9.) O le upu osana o lona uiga “laveai i matou i le taimi nei.”
I ni nai aso mulimuli ane, na tuuina atu ai e le Faaola i Ana Aposetolo le faamanatuga. Sa ia ave le areto ma faamanuia i ai ma vaevae i ni fasi areto. Sa ia tufaina atu foi se ipu mo i latou e inu ai. Sa Ia fetalai, “Tou te faia le mea nei e fai ma faamanatuga ia te au” (Luka 22:19).
O Iesu o loo tootuli i le Faatoaga o Ketesemane Sa mafatia o Ia mo a tatou agasala uma, tiga, ma faanoanoaga. Na Ia tatalo, “Lo’u Tama e, a e finagalo i ai, ia e ave ese lenei ipu ia te au; a e aua le faia lo’u loto, a o lou finagalo.” (Luka 22:42).
Na o mai fitafita e aveese Iesu. Sa latou “faaofuina ai lea o ia i le ofu mumu” ma “se pale laau tuitui” (Mataio 27:28, 29). Sa latou aamu ma fasi ia te Ia.
Sa latou tuuina fao i lima ma vae o le Alii. “Lo’u Tama e, ia e faamagaloina atu ia te i latou; aua ua latou le iloa le mea ua latou faia.” (Luka 23:34).
Ina ua maliu Iesu Keriso, sa tuu e Ona soo Lona tino i se tuugamau ma fuli ane lea o le maa i le gutu o le tuugamau (tagai Mareko 15:46). Sa vaavaai leoleo i le tuugamau ina ia mautinoa e leai se tasi na aveesea le maa.
Ina ua mavae aso e tolu, sa aumai e tamaitai ni mea manogi e tausia ai le tino o Iesu. Sa la vaaia ua aveesea le maa mai le tuugamau. Sa ta’u atu e se agelu ia i la’ua, “Aua lua te matatau oulua” (Mataio 28:5).
O loo soifua o Ia! Sa gaogao le tuugamau ona sa toetu Iesu Keriso. “E le o iinei o ia: aua ua toe tu mai o ia” (Mataio 28:6). Ona o Iesu, o le a tatou toetutu uma ai pe a mavae le oti.