5 Kawai ni Kanakoraoi Namakin aika Bubura

E kona n rang kanganga te maiu n tabetai! Namakinan namakin aika bubura, n aron te nanokawaki ao te raraoma, bon mwakoron ara taneiai ni maeka iaon te aonaaba.

N koroboki aika a tabu, ti reiakinna bwa aron naba te Tia Kamaiu e namakin te nanokawaki n tabetai (taraa Ioane 11:32–36). Iesu Kristo e korakai ni maraki n aekaia nako. Ibukin aei, E ata raoi aron am namakin. E ataia raoi bwa e na kanga ni buokiko. (Taraa Aramwa 7:11–12.)

Aikai nimaua bwaai aika ana buokiko ngkana ko namakina te nanokawaki.

1

Tataro nakon Tamara are i Karawa ibukin te ibuobuoki.

Ngkana ko tataro ibukin te ibuobuoki, Tamara are i Karawa ao Iesu Kristo a kona ni kairiko (taraa Aramwa 37:36–37). A tangiriko, ao a tangiria ni boutokaiko!

2

Uringnga bwa ko tangiraki.

Koroboki aika tabu e reirei bwa “E korakora kakawakia aomata imatan te Atua” (Reirei ao Berita aika Tabu 18:10). Anne nanona bwa ko tangiraki ao ko kakaawaki iroun Tamara are i Karawa!

3

Nako otinako!

Tamara are i Karawa ao Iesu Kristo a karaoa te aonnaaba ae moan te tamaroa aei ibukira. Te takakaro i tinaniku e buokiko n rikirake ni marurung ao ni korakora, ao e kona nba ni buokiko n namakina te marurung ao n rang n rau.

4

Korea aron am namakin.

Kawakinan te tienoo e konani buokiko n uring reirei ake ko reiakin inanon maium. E kona naba ni buokiko n ota rai n te bwai are ko namakinna.

5

Taetae nakon te ikawai ae ko onimakinna.

Ngkana ko taetae nakon temanna ibukin te bwai are ko namakinna, a kona ni kauringngko arom ae onoti. A kona naba ni buokiko n ata aron karekean te boutoka are ko kainnanoia.

N tabetai, riki imwiin karaoan bwaai aikai, ko kona n teimatoa n namakina te nanokawaki. Kona bae ni kainnanoia n taetae ma te taokita bwa e na buokiko n namakina te marurung. Ao ko kona n tainako ni bubuti te kakabwaia n te nakoanibonga. N aki tabe ma te bwai teuana, ko bon aki maroa! Tamara are i Karawa ao Iesu Kristo a tangiriko. A tangiria ni kakabwaiako ao ni buokiko.

Kamatata n te tamnei iroun Stephanie Mackay