Namakinan te Nanokawaki

E katika te buranketi Savannah n rabuna atuuna. Te bong aei e aki rang n nakoraoi.

N tain te reirei n te bong aei, Savannah e aki kona ni kabotoa ana iango iaon te bwai teuana. E namakina te kua, te un, ao te nanokawaki. Iai te rawawata ni birotona ae e aki nanako. N tokin te bong, te bwai ae rang tangiria ni karaoia e na kawakawa iaan te tetike ao ni karaba.

Ae e a tibwa riki, Savannah e namakina te nanokawaki n angiin te tai. Raraona a kataia ni kakukureia, ma n tabetai Savannah e aki tangiria n tiku irarikiia. A tara ni kukurei n tainako. N tabetai e iangoia bwa a kona riki n rang ni kukurei ngkana akea ngaia.

Tera ae riki irou? E miimi Savannah. Bukin tera I aki kukurei n ai aroia aomata nako?

E namakinna bwa e rang mwaitoro n ai aron nang aika kureei i tinaniku. Ao ngkai e tii tangiria bwa e na matu.

E ongo Savannah kakukan ana mataroa n ana ruu ni matu.

“Savannah,” e taku Mom, n tekateka i tabon ana kainiwene, “tera ae riki?”

“Akea,” e taku Savannah. “I bon rang kua.”

“Ko bon koaua?” E titiraki Tinana. “I rang raraoma iroum.”

“I bon nakoraoi,” e taku Savannah.

“E tamaroa.” E teirake Mom. “Ti uringnga bwa ko kona ni maroro ma ngai iaon bwai nako. I tangiriko.”

E tiku n ana kainiwene Savannah ni karokoa te katairiki. Te tairiki anne, e aki kona ni matu. Ana kaburoro e aki kona n toki n iangoan bwaai nako.

Te bong are imwiina e teimatoa n namakina te kua. Bon te bong naba teuana ae abwabwaki. E okira mweengana Savannah ao e tekateka n taiboran te umwanikuuka. E katinakoa te ang ao e tara tinanikun te winto. E a manga bwaka naba te tinoo.

“Savannah?”

E rairaki Savannah ao e kubanako n noora Grandma n rin inanon te ruu.

“Mauri, Grandma,” e taku Savannah. “Tera ae ko karaoia ikai?”

E tekateka Grandma. “Tinam e tangirai bwa N na roko,” e taku. “E rang raraoma iroum.”

“I bon ti rang ni kua. I bon marurung,” e taku Savannah.

E moangare ma te karaurau Grandma. “I a tia ni karakina nakoim te tiamwa are I mwaing iai ma Grandpa?”

“I taku bwa ko aki,” e taku Savannah.

“I rang n nanokawaki n tainako,” e taku Grandma. “I tangiria bwa N na kukurei, ma I a bon aki tabe ma te bwai teuana. I rangi n namakinna te maroaa.”

“Ma iai raom bwa Grandpa ao au mom.” E baraaki Savannah n taraa ana kau. “Bukin tera ko namakina te maroa?”

“I aki kona n ataia raoi bwa tera ae riki,” e taku Grandma. I tuai man namakina anne mai imwaina. N tokina I a nakon te taokita.”

“Tera ae riki?”

Grandma e katokai baina n nanoaia. “I a ataia bwa e a reke irou te nanokawaki.”

“O, ngaia ko ti namakina te nanokawaki?” E titiraki Savannah.

“Tiaki, depression e korakora riki nakon ti namakinan te nanokawaki,” e kabwarabwara Grandma. “Nanokawakiu e tara n aki nako. I korakai ni karaoi bwaai ni kabane ake I taneiai ni kakaraoi. Ao e kanganga reitakiu ma aomata tabeman, riki ma bon au utu. I bon rang kainnanoa te ibuobuoki.”

E tararake Savannah. “Te aekaki n ibuobuoki tera?”

“Te taokita e kabwarabwara te bwai ae riki, ao ti karaoa te babaire n ikotaki bwa e na buokai n namakina ae nakoraoi,” e taku Grandma. “Ma n tabetai I teimatoa n namakina te nanokawaki. I kabanea au tai ae mwaiti n tataro. Ngkana I maroa, I iangoia ae te Tia Kamaiu e tekateka irarikiu. I namakina ae tamaroa riki ngkai I iangoia.”

E tara te tino i tinaniku Savannah ao e karurua. “I namakina te nanokawaki naba n te tai ae mwaiti. I kataia n namakina te kukurei, ma n tabetai I aki kona, ao imwina I a un ngkai I namakina anne.”

“I ataia, anii.” E inga Grandma ma Savannah. “Anne aron ae I namakinna n tabetai naba. Ma ko aki maroa. I tangiriko, am karo a tangiriko, ao Tamara are i Karawa ao Iesu Kristo a tangiriko. A oota ni marakim ao a bon aki kona ni kiitaniko.”

Tao e bon eti Grandma, e iango Savannah. I aki maroa. Te rawawata ni biroton Savannah e aki rang n rawawata.

“I taku bwa I riai n taetae ma Mom,” e taku Savannah. “E tangiria ni buokai naba.”

“Anne te iango ae tamaroa.” Grandma e anaa bain Savannah.

E moangare Savannah ao e rara nako aon angan Grandma. E aki manga namakina te mariri ao te maroa.

Kamataata n te tamnei iroun Mariona Pessarrodona