E Kaokaki te Nakoanibonga

Ko kona ni wareka te karaki aei n Iotebwa Timiti—Rongorongo 1:66–73 ao Reirei ao Berita aika Tabu 27:12.

Iotebwa Timiti ngke e taetae nakon Oliver Cowdery ma te iango n te buroburo are e kaota Iesu ngke e kawariia NIbwaite

Imwiin karekean bwatua koora iroun Iotebwa Timiti, e waaki n rairii. Oliver Cowdery e korei bwaai ake e taekini. Ngkai a mwakuri, a reiakinna bwa Iesu Kristo e tangiriia aomata nako bwa a na bwabetitoaki.

Iotebwa Timiti ao Oliver Cowdery a tataro n te buakonikai

Iotebwa ao Oliver akan ataia bwa antai ae iai mwaakan te Atua irouna ni bwabetitoia aomata. A nakon te buakonikai n tataro ni butiia te Atua.

Te Anera ma baian iaon atuun Iotebwa Timiti

Ngke a tataro, e kaoti te anera. E taku bwa ngaia Ioane are te Tia Babetito, are e bwabetitoa Iesu Kristo ngkoa. E angan Iotebwa ao Oliver te Nakoanibonga ae te Aaron bwa a aonga ni bwabetitoia ake tabeman. Te nakoanibonga bon mwaakan te Atua. E kabonganaaki ni kakabwaiaia natin te Atua.

Iotebwa Timiti e bwabetitoa Oliver Cowdery

Ioane are te Tia Babetito e tuanga Ioane are te Tia Babetito ao Oliver bwa a na bwabetitoaki. A nakon te karaanga ao a bwabetitoia imarenaia. Ngke a otirake man te ran, a kaonaki n te Tamnei ae Raoiroi. A bon rang kukurei!

Teniman anera a katokai baia iaon atuun Iotebwa Timiti

Imwiina, anera ake tabeman a roko. Teniman ana Abotoro Iesu— Betero, Iakobo, ao Ioane—a angan Iotebwa ao Oliver te nakoanibonga ae te Merekitereka. Ngkai Iotebwa ao Oliver a kona n anga te Tamnei ae Raoiroi nakoia tabeman.