“Nakomai, Iriirai Waaki ni Kakukurei,” Te Rao, Maati 2025, 22–23.
Nakomai, Iriirai Waaki ni Kakukurei
Beberuare 24–Maati 2: Reirei ao Berita aika Tabu 18
Bon Tamneim
“E korakora kakawakia aomata imatan te Atua” (Reirei ao Berita aika Tabu 18:10). Nanon anne bwa aomata ni kabane a kakaawaki iroun Tamara are i Karawa, n ikotaki ma ngkoe! Korea bon oin tamneim. Kataia ni katamaroa ma aekakin nako korotamnei aika kakaokoro! Mai eta, korea “Te Atua E Tangirai.”
Maati 3–9: Reirei ao Berita aika Tabu 19
Taninga aika Kakauongo
Iesu Kristo e tuangiira bwa tina kakauongo Nakoina (taraa Reirei ao Berita aika Tabu 19:23). Taan kakauongo raoi a uringi bwaai ake a tia n ongo. Tekateka n te kamronron. Temanna te aomata e wirikirikina taekan te euangkerio. Te aomata are imwiina e kaokia ao e karaka teuana ae e boou. Kabutia n te kamronron ni karokoa ni kabane a tia ni karina te taeka teuana ae a na uringnga!
Maati 10–16: Reirei ao Berita aika Tabu 20–22
Te Taua ni Kaokakan bwai
Iesu Kristo e kaoka Ana Ekaretia ni boong aikai nakon teina ngkoa ngke E maeka iaon te aba (taraa Reirei ao Berita aika Tabu 20). Korei kakabwaia iaon mwangko buraetitiki ake ti karekei bwa mwakoron ana Ekaretia Iesu Kristo, n aron te nakoanibonga, te bwabetito, burabeti. Ngkanne kauataoi mwangko ni katea te taua ae rietata!
Maati 17–23: Reirei ao Berita aika Tabu 23–26
Kuna aika nako man te Nano
Tamara are i Karawa e tangira are ti anene mai inanora (taraa Reirei ao Berita aika Tabu 25:12). Rinei tabeua anenen te Moanrinan n ikotaki n anenei. Kario kaina aika a na airi ma te kuna.
Maati 24–30: Reirei ao Berita aika Tabu 27–28
E Taetae te Burabeti
Te burabeti e karekei kaotioti mairoun Tamara arei i Karawa ao Iesu Kristo ibukin te Ekaretia (taraa Reirei ao Berita aika Tabu 28:7). Kaotinakoa ke korea tamnein te burabeti. Mai eta, korea “E taku te burabeti” Koreia ke korea tamnein te bwai teuana are e a tia n reireiniira te burabeti.
Korotamnei iroun Christina Smith