Te Kakai n te Bitiketi

Te ang ae buraoki e auu, ao te tinoo e mwrara ni katobibia te aenika. E katika ana buranketi ae manii Jane ni kamatoa iaon angana. Waena a moanna n aki namakinaba, ma e teimatoa n rianna. Iaon kawaia nako Salt Lake City, Utah.

Jane ma ana utu a reiakina rongorongon Ana Ekaretia Iesu Kristo ibukiia Aika Itiaki ni Boong aika Kaitira i Engiran. Nte tai are e tuangiia Membwa nte Ekaretia te burabeti bwa a na roko nako Utah, ana utu a kawakin nako aia mwane ake a kona bwa a na ira te mwananga. A borau i nuukan te marawa. Ngkai a mwananga n te aenika n rinuukan te aba ae aoraoi. A tia n rianna inanon tabeua namwakaina, kanaia e tabe n bane.

E waanako ranin matan Jane iaon tabana. “I a rang bora ni baki,” e tuanga mwanena ae ikawai Thomas. “I taku bwa I aki kona n tabeka rangau riki teuana!”

Thomas e korea te mwakorona kunin te man man wiiran te aenika. “Aio, kangkangta te bwai aei,” e taku. “E na bon NAKORAOI.”

“Ko rabwa,” e wirikiriki Jane ngkai e kangkangta mwakoron kunin te man ae matoatoa.

N te tai ae tawe ai tain te kaembwa ibukin te tairiki. Tabeman mwaane a nako ni kaemwan ibukin te buffalo. E kantaningaia Jane bwa a na karekei tabeua. Birotona e ai bon akea kanoana. Ngke a tataninga, Jane ma ana utu a kauangii ni katobibia te ai ae uarereke, ma te kua, baki, ao te mariri.

“Tia tataro,” e taku Jane.

Te utu a katorobubua n ikotaki, ao e tataro te Tina. “Tamara are i Karawa, akea kanara ibukin ara katairiki. Taiaoka buokiira.”

E tekateka Jane ma mwanena ao tarina n aki kakarongoa inanon tabeua te tai. Ngkanne te Tina e tekateka ni kaetia.

“Teraana iai?” E bubuti Thomas.

“I a tibwa uringa te bwai teuana.” E kawaekoa te Tina nakon te aenika ao e kauka buuki. Ngkanne e katika te bwaoki te biti ae uarereke ao e kaukia. Inanona bon uoua te bitiketi aika a rang matoatoa. Bon te nikira man te mwananga i taari n te namwakaina ae e nako.

E namakina te kukurei Jane n tokarake inanona. Bon iai kanaia! “Ti kona ni bwenauai ni kauarerekei ao n tibwaia,” e taku.

Ma ngke a kataia ni bwenauai, te bitiketi e a rang matoatoa n aki kona ni bwenauaaki.

“Tia kata aio,” e taku te Tina. E katuka te bitiketi n te ai n umwuum ao e kabwaroa te ran ae uarereke iaona. Ngkanne e kaina matana ao e katoka te bwaata are e tinebu aon te kooro.

Jane ma ana utu a manga tataro riki. E iangoa karakinan Iesu Kristo ni koroboki aika a tabu, ngke E kamwarakeia nimaua te nga ma ti tabeua te kariki ao te ika. E ataia bwa Tamara arei Karawa e kona naba ni buokiia.

Imwiin teuatana te tai, te Tian e karaurau ni kauka te bwaata. E a onrake nakon matan n te amwarake! E a rang tiraua ibukin te utu ae bwanin.

Jane e kamatoa ni koona tinana. “Anne bon te kakai.”

Kamataata n te korotamnei iroun Simini Blocker