Anika te Ninikoria

“Ko tauraoi?” E titiraki Mami.

E katoua atuuna Anika ao e koona ana taoree te bea. E na uotia nakon te taromauri. E kantaningaia neiei bwa e na buoka neierei n namakina te ninikoria.

Iai ana mwakoro Anika ae e na taekinna n ana burokuraem te Moanrinan n te bong aei. Ma e boou n te aba aei. E aki bati ni bwaati te taetae n Imatang. E na taekinna n taetae n Spanish n onean mwiina. A na kona ni mataata iai te koraki?

Mami e inga nakoina. “I ataia ae nako nanom. Ma uringnga, te Tamnei ae Raoiroi e na raonikiko! Ko aki maroa.”

Anne e angan Anika te namakin ae nakoraoi teuatana. E wiingare nakon ana teddy beea. Ngkanne ai teniman ngaira, e iango. Ngai, au bea, ao te Tamnei ae Raoiroi!

N ana burokuraem te Moanrinan, ana kirati Anika a taekini bwaai aika a reiakin n te ririki anne. A nako n tei n te tabo n tei temanna imwiin temanna. E aki maan ao e a roko n ana tai Anika.

E koona ana bea. E kona n ninikoria!

“Au utu a kamatebwaia koroboki aika a tabu ma Nakomai, Iriirai ni katoa tairiki,” e taku Anika n taetae n Spanish. E ikerake. “Ti reiakina aron Iotebwa Timiti ni kabwarai aia bure naake a kaikoakia. I kona ni kabwarai naba aia bure tabemwaang. N aran Iesu Kristo, amen.”

E oki rikaaki nakon ana kaintekateka Anika. Ana tia reirei e moangare nakoina ao ana bea. “E tamaroa te kekeiaki,” e wirikiriki. “Ngkami ni kauoman kam rang ninikoria!”

E namakina te aabue Anika inanona. E tuai n ninikoria mai imwaina! Ao e ataia bwa te Tamnei ae Raoiroi e raonna.

Kamataata n te korotamnei iroun Katie Rewse