Kataia Atai Bwaatua aika Koora!

~AD 421

Te burabeti Moronaai n ana Boki Moomon e kabaei bwaatua koora. Bwaatua a taekin rongorongon Iesu Kristo. A taekina naba rongorongonia ana aomata Moronaai.

1823

Ngke te anera, Moronaai e kawara Iotebwa Timiti. Moronaai e tuangnga bwa bwaatua koora a taunaki irarikin te tabuki are Kumora.

1827

Ngke e a tia ni katauraoaki Iotebwa inanon aua te ririki, te Uea e onimakinna bwa e na uoti bwaatua nakon mweengana.

1828

Iotebwa e rairi bwatua man ana kakauongo raoi nakon te Tamnei ae Raoiroi. E kabonganai naba bwaai ni mwakuri aika onoti mairoun te Atua. E kabongana te atibu ae aranaki bwa te atibu ni mamata ao te bwai ni mwakuri n raitaeka ke te Urim ao Tamim are e a tia n taunaki ma bwaatua.

1829

Tamara are i Karawa e buoka Iotebwa n ota n te bwai are a taekinaki iaon bwaatua. Oliver Cowdery e buoka korean te bwai are e rairia Iotebwa.

E aki kee iaan tengaun ma uoman aomata ake a noori bwaatua aika koora. Temanna mai ibuakoia bon Mary Whitmer. Ko kona ni wareki aia koaua taan kakoaua ake tabeman ni moanibaan ana Boki Moomon. Akea mai buakoia aomata aikai aika a kakewea te bwai are a rinanona.

1830

Te moan katoto n ana Boki Moomon are moan rairaki n te Ingiriti e boretiaki i Palmyra, New York, USA.

Te Bong aei

Ana Boki Moomon e a warekaki ngkai ni kabuta ni kabane te aonaaba! E a tia n rairaki n taetae aika 115. Mitinare a tibwa ana Boki Moomon ma aomata nako ake a kona.