5 na Sala me Wali Kina na Yalo Lelevu

Ena so na gauna e dau dredre na bula! Na vakilai ni yalo sega ni vinaka, me vaka na rarawa kei na lomaleqa, e tiki ni veika eda sotava ena bula e vuravura.

Ena ivolanikalou, eda vulica kina ni iVakabula sara mada ga e dau rarawa talega ena so na gauna (raica na Joni 11:32–36). A sotava o Jisu Karisito na veimataqali mosi kecega. Ena vuku ni ka oqo, e kila vinaka tu o Koya na veika o vakila. E kila tale ga na sala me vukei iko kina. (Raica na Alama 7:11–12.)

Oqo e lima na ka me veivuke ni o vakila na yalolailai.

1

Masu vua na Tamada Vakalomalagi mo vukei.

Ni ko masuta na veivuke, sa rawa vua na Tamada Vakalomalagi kei Jisu Karisito me rau tuberi iko (raica na Alama 37:36–37). E rau lomani iko ka rau vinakata me rau vukei iko!

2

Nanuma tiko nio lomani.

E vakavulica na ivolanikalou ni “sa ka talei ena mata ni Kalou na yalo ni tamata” (Vunau kei na Veiyalayalati 18:10 Sa kena ibalebale oqori ni o lomani ka bibi vua na Tamada Vakalomalagi!

3

Lako ki tautuba!

Erau a bulia na Tamada Vakalomalagi kei Jisu Karisito na vuravura totoka oqo me baleti keda. Na qito e tautuba ena vukei iko mo bulabula ka kaukauwa, ka na rawa talega ni vukei iko mo vakila na vinaka ka vakacegu.

4

Vola na veika o vakila.

Na maroroi ni ivolaniveisiga ena vukei iko mo nanuma tiko na lesoni o vulica ena nomu bula. Ena vukei iko tale ga mo kila vinaka na ka o vakila tiko.

5

Vosa vua e dua na qase-nuitaki.

Nio vosa vua e dua me baleta na ka o vakila, ena rawa ni vukei iko me vakananumi iko nio taleitaki. E rawa talega nira vukei iko mo kila na sala mo rawata kina na veitokoni o gadreva.

Ena so na gauna, ni oti mada ga na nomu cakava na veika oqo, ona rairai rarawa tiko ga. De dua o na gadreva mo vosa vua e dua na vuniwai me vukei iko mo vinaka cake. Ka rawa nio kerea e dua na veivakalougatataki ni matabete. Se cava ga, o sega ni tiko duadua! E rau lomani iko na Tamada Vakalomalagi kei Jisu Karisito. Erau vinakata mera vakalougatataki iko ka vukei iko.

Droini mai vei Stephanie Mackay