“Sa Vakalesui mai na Matabete,“ iTokani, Maji 2025, 26–28.
iTalanoa ni iVolanikalou
Sa Vakalesui Mai na Matabete.
E rawa nio wilika na italanoa oqo ena Josefa Simici—Ai Tukutuku 1:66–73 kei na Vunau kei na Veiyalayalati 27:12.
Ni sa ciqoma oti o Josefa Simici na peleti koula, sa tekivu me vakadewataka. A vola o Oliver Cowdery na ka e tukuna. Ni rau cakacaka tiko, erau vulica ni vinakata o Jisu Karisito me ra papitaiso na tamata kecega.
Rau vakataroga o Josefa kei Oliver se o cei e tu vua na kaukauwa ni Kalou me papitaisotaki ira na tamata. Rau a gole ena loma ni veikau ka lai masulaka ka kerea vua na Kaloui.
Ni rau masu tiko, a rairai mai e dua na agilosi. E kaya nio koya o Joni na Dauveipapitaisotaki, ka papitaisotaki Jisu Karisito ena dua na gauna balavu sa oti. A solia vei Josefa kei Oliver na Matabete i Eroni me rawa ni rau papitaisotaki ira tale eso. Na matabete sai koya na kaukauwa ni Kalou. E vakayagataki me vakalougatataki ira na Luve ni Kalou.
A tukuna o Joni na Dauveipapitaisotaki vei Josefa kei Oliver me rau papitaiso. Erau a lako ki na dua na uciwai ka veipapaisotaki vakai rau. Ni rau sa lamata cake mai wai, erau sa vakasinaiti ena Yalo Tabu. Erau a marau vakalevu!
E muri, era qai lako mai eso tale na agilosi. E tolu vei iratou na iApositolo i Jisu Karisito—o Pita, Jemesa, kei Joni—eratou a solia vei Josefa kei Oliver na Matabete i Melikiseteki. Sa rawa vei Josefa kei Oliver me rau solia na isolisoli ni Yalo Tabu vei ira tale eso.