“Veivuke mai Lomalagi,” iTokani, Maji 2025, 20–21.
Veivuke mai Lomalagi
Tauri mai “O Vinakata Li mo Bula Marau? Liaona, Nove. 2023, 46–48.
Au a kacivi me bisopi ena dua na gauna dredre ni noqu bula. Au tama gone ka vakamatavuvale, ka dredre na bula vakailavo. Au wawale dina. E dredre tale ga vei watiqu.
Ena dua na Sigatabu a vakayagataka tiko na sakaramede na watiqu lomani. A vukei koya na Yalotabu me kila e dua na ka. E levu na leqa keirau sotava a wali ena dua na gauna ena loma ni noqu veikacivi.
Sa kila tu na Turaga na noda leqa. Ni kerei keda o Koya meda veiqaravi, e kila o Koya na veika ena vukei keda vakalevu duadua. E gadreva o Koya me vakalougatataki keda. Ka na solia vei keda o Koya na veivakalougatataki oqo nida qaravi Koya ena yalodina.
O vinakata li mo bula marau? Mo tiko ga ena salatu ni veiyalayalati. Sa sureti keda tiko na noda iVakabula meda lako mai Vua. Ena colata o Koya na noda icolacola O Jisu Karisito e vakarawarawataka ena marau vakalevu cake na noda bula. Ka na vakasinaiti keda ena reki.
Gauna ni Veitarogi!
Taroga e dua na lewe ni matavuvale se sa vakalougatataki iratou vakacava na Tamada Vakalomalagi. Oqo e so na taro mo tekivu kina:
-
E rawa beka ni o tukuna vei au e dua na gauna sa vakalougatataka kina na Tamada Vakalomalagi na nodatou matavuvale?
-
O dau taleitaka vakacava mo vukei ira na tani? Na veivakalougatataki cava o sa raica ni ko qaravi ira tiko na tani?
-
Na cava na vuna mo muri Jisu Karisito kina? Sa vukei iko vakacava mo marau na nomu muri Koya?`
Droini mai vei Turine Tran