Anika Yaloqaqa

“O sa vakarau?” A taroga o Mami.

A deguvacu o Anika ka mokota nona teddy bear. A kauta tiko mai ki lotu. A nuitaka ni na veivuke me yaloqaqa kina.

E dua na tikina nei Anika me na cavuta ena parokaramu ni Lalai nikua. Ia se vou o koya ena vanua oqo. E sega soti ni kila e levu na vosa Vakavalagi. Ena tukuna ga ena vosa vaka-Sipeni. Era na kila kece beka?

A mokoti koya o Nana. “Au kila ni o madua. Ia nanuma tiko, ena tiko vata kei iko na Yalo Tabu! Ko sega ni tiko duadua.”

Oqori a vakavuna nona yalo vinaka cake mai vakalailai o Anika. A dredrevaka na nona tedy bear. Sa na qai tolu vei keitou e, nanuma o koya. O au, na noqu pera, kei na Yalo Tabu!

Ena parokaramu ni Lalai, era a vosa kina na kalasi nei Anika ena veika era sa vulica ena yabaki o ya. Era a lako yadudua ki na itutu. Sega ni dede sa gauna nei Anika.

A mokota nona pera. E rawa ni yaloqaqa!

“Eratou vulica na noqu matavuvale na ivolanikalou ena Ia Mo Lako Mai, Mo Muri Au ena veibogi,” e kaya o Anika ena vosa vaka-Sipeni. A vakatabuicegu. “Keimami vulica na sala a vosoti ira kina o Josefa Simici era vakararawataki koya. Au rawa ni vosoti ira talega na tani. Ena yacai Jisu Karisito, emeni.”

A lesu tale o Anika kina nona idabedabe. A matadredredre vua kei na nona pera na nona qasenivuli. “Totoka,” a vakasolokakanataka mai. “Drau a yaloqaqa sara vakalevu!”

E raragi sara ga na yaloi Anika. A yaloqaqa o koya! Ka kila ni sa tiko vata kei koya na Yalo Tabu.

Droini mai vei Katie Rewse