Vakacegu mai na Valetabu

Mai vei Peresitedi Henry B. Eyring

iKarua ni Daunivakasala ena Mataveiliutaki Taumada

Tauri mai na “Na Veika Kece ena Vinaka Ena Vuku ni Veiyalayalati ni Valetabu,” Liaona, Me 2024, 24–27.

Ena vica na yabaki sa oti, keirau a draiva vakaveiwatini me keirau sikova na Valetabu e Idaho Falls Idaho. E ratou a tiko ga e vale na luvei keirau tagane gone e va kei na dua na daumeimei.

Ni keirau sa vakarau lesu i vale, a tukuna vei keirau e dua na tamata cakacaka ni valetabu ni sa kabasu na Teton Dam ena tokalau kei Idaho! Na iwase levu ni neitou koro sa tu e wai.

Keirau tekiduru kei watiqu ka masu vua na Tamada Vakalomalagi me baleta na nodra taqomaki na luvei keirau kei ira na udolu na tamata era a tarai ena waluvu. A votu mai vakamatata ki yaloqu kei na noqu vakasama na veivosa oqo: “Se cava ga ena yaco, ena vinaka na ka kece ena vuku ni valetabu.” Keirau vakavinavinaka e muri ni keirau qai kila ni ratou taqomaki vinaka tu na luvei keirau tagane.

E sega ni dua na ka e bibi cake mai na nomu rokova na veiyalayalati o na qai cakava ena valetabu ena dua na siga. Se cava ga, ena vinaka na veika kece ena vuku ni veiyalayalati ni valetabu.

Gaunisala kina Valetabu:

Na valetabu e rawa ni kauta mai vei keda na vakacegu ena gauna dredre. Vakamuria na sala vakasesei kina dela ni Valetabu e Idaho Falls Idaho!