“Na iMatai ni Raivotu,” iTokani, Janueri 2025, 26–28.
iTalanoa ni iVolanikalou
Na iMatai ni Raivotu
Sa rawa mo wilika na italanoa oqo ena Josefa Simici—Ai Tukutuku 1:1–20
Ni se gone o Josefa Simici, e vuqa na lotu era vakavulica na veika duidui me baleti Jisu Karisito. A sega ni kila o Josefa na lotu me lewena.
Dua na siga, a wilika na Jemesa 1:5 ena iVolatabu. E tukuni kina ke da gadreva na vuku, eda rawa ni kerea vua na Kalou. A nanuma o Josefa me cakava qori.
Ena dua na siga totoka ni vulaitubutubu, a lako o Josefa ki na veikau me laki masu vua na Tamada Vakalomalagi.
A tekiduru o Josefa ka tekivu masu. Ia a qai vakila na butobuto ni wavoliti koya tu. A sa rere ko Josefa. A kere veivuke vua na Kalou
Vakasauri ga, sa raica o Josefa e dua na rarama ramase ni lako sobu mai lomalagi. A raica na Tamada Vakalomalagi kei Jisu Karisito ni rau tucake tu e macawa. E kaya na Tamada Vakalomalagi na yacai Josefa. A dusi Jisu Karisito na ka kaya: Oqo na Luvequ Lomani. Mo Rogoci Koya!”
A kaya o Jisu vei Josefa ni sega ni dodonu me lewena e dua vei ira na lotu oya.
Ena veivuke o Josefa ena kena vakalesui mai na taucoko ni kosipeli e vuravura.
Sa sega tale ni veilecayaki o Josefa. E vakasinaiti ena reki! E kila okoya ni lomani koya na Kalou. Eso na tamata era sega ni vakabauta ni a raici Tamada Vakalomalagi kei Jisu Karisito, ia e kila o koya ni dina.