“Vakabula mai Esitonia!” iTokani Janueri 2025, 8–9.
Vakabula mai Estonia!
E tiko o Estonia ena Vualiku kei Urope, ena iyalayala ni wasawasa na Baltic. E rauta ni dua na milioni na tamata era tiko kina.
Rarama ni Matanisiga ena Bogilevu
Ena vulaikatakata e Estonia, e vica na macawa ni rarama ni matanisiga ena bogilevu. E dau qai dromu malua sara na matanisiga, ka biuta tu mai e dua na rarama vulavula e lomalagi ena bogi.
Vale e Veikau
E veimama kei Estonia e veikau lelevu! E levu na manumanu era vakaitikotiko ena veikau, oka kina na dauvakacaca, beaver, wolifa, oca, kei na manumanu lalai.
Na Koroturaga
Na koroturaga kei Estonia o Tallinn. Oqo e dua vei ira na siti makawa duadua ena Vualiku kei Urope.
Soqo ni Lagasere kei na Danisi
Na soqo ni marau oqo e tiki bibi ni itovo vakavanua e Estonia. E dau vakayacori ena lima na yabaki ka ra sa tiko kina e 100,000 na tamata.
Matanitu Yanuyanu
E tiko e sivia na 2,000 na yanuyanu e Estonia. E vuqa vei ira na yanuyanu oqo era lailai sara, ka levu na tamata era vakaitikotiko ena vanua levu kei na yanuyanu lelevu.
Droini mai vei Greg Paprocki