“Na iSolisoli ni Masu,” iTokani, Janueri 2025, 20–21.
Mai Vei Ira na Noda iLiuliu
Na iSolisoli ni Masumasu
Tauri mai na “Masu, Sa Tiko ko Koya,” Liaona, Me 2024, 77–79.
Sa solia vei iko na Tamada Vakalomalagi e dua na isolisoli digitaki. Oya na iloloma ni masu. Na masu ena vukei keda ena gauna cava ga, ena vanua cava ga.
Au vinakata meu wasea e tolu na isolisoli o rawa ni masulaka.
1. Masuta mo kila.
Kevaka eda sega ni raica rawa na Tamada Vakalomalagi ni da cavuta na noda masu, eda na kila vakacava ni sa vakarorogo tiko o Koya?
O Peresitedi Russell M. Nelson e sureti iko “mo sovaraka na yalomu vua na Tamamu Vakalomalagi. … Ka qai vakarorogo!”* E rawa nio kila ni dau rogoca na nomu masu na Tamada Vakalomalagi nio vakarorogo kina veika o vakila e yalomu kei na vakanananu e basika mai kina nomu vakasama.
2. Masuta mo tubu.
Na ivakarau cava eda vinakata me da tubu kina? O vinakata mo vulica e dua na maqosa vou se vakaitokani vou? E rawa nio masu mo tubu cake mo vakataki Jisu Karisito vakalevu cake!
E tukuna vei au o Jona na noqu itokani vou na levu ni nona lomaleqa e koronivuli. Ia ni sa tekivu masu ni bera na vuli, a vakila na vakacegu. E masu o Jona me tubu e veisiga, o rawa tale ga ni cakava!
3. Masuta mo vakaraitaka.
Niu se goneyalewa au a masulaka na noqu matavuvale. Au vinakata meu kila na sala meu vukei ira kina. A vukei au na Tamada Vakalomalagi meu kila ni rawa meu ivakaraitaki ni kosipeli i Jisu Karisito. Qori na ka au rawa ni cakava!
Kevaka o masulaki ira tiko na nomu matavuvale se o ira tale eso era lomani iko, kakua ni soro! Na Tamada Vakalomalagi ena vakaraitaka vei iko na cava o rawa ni cakava. Nio kerea vakaidina na Nona veivuke, ena tuberi iko na Nona Yalotabu.
Noqu Masu
Vakasamataka na taro oqo ena veigauna kece o masu kina. Qai rokataka e dua na senikau. Raica ke rawa nio rokataka na tabana taucoko!
-
Na cava au vinakatameu kila?
-
Au via tubuvakacava?
-
Meu na vakaraitaka vakacava na loloma nei Tamada Vakalomalagi vei ira na tani?
Droini mai vei Jared Beckstrand